Shtatzënia është një kohë e shkëlqyeshme për të lënë duhanin. Do të ndiheni më mirë dhe do të keni më shumë energji për të kaluar shtatzëninë tuaj.
Ndër të tjera ju do të zvogëloni rreziqet tuaja të problemeve shëndetësore në të ardhmen si sëmundjet e zemrës, kanceri dhe probleme të tjera të mushkërive shkruan American Pregnancy Association, përcjell Gazeta Shneta.
Studimet tregojnë se 12-20 përqind e grave shtatzëna pinë duhan, duke vënë në rrezik veten dhe foshnjat e tyre.
Përfitimet janë të mëdha, por procesi është i vështirë, veçanërisht me stresin e shtuar të shtatzënisë.
Edhe pse ky mund të jetë një udhëtim shumë i vështirë, ka burime të disponueshme për t’ju ndihmuar të hiqni zakonin e vjetër.
Për të mësuar më shumë rreth komplikimeve gjatë shtatzënisë KLIKO KËTU.
Fakte rreth pirjes së duhanit gjatë shtatëzanisë:
– Kur ju pini duhan kështu bën edhe fëmija juaj. Poashtu, ju thithni helme të tilla si nikotina, plumbi, arseni dhe monoksidi i karbonit.
Këto helme futen në placentë, e cila është indi që ju lidh me fëmijën tuaj dhe dërgon oksigjen dhe lëndë ushqyese dhe eliminon mbeturinat.
Këto helme e mbajnë fëmijën tuaj që të mos marrë furnizimin e duhur me lëndë ushqyese dhe oksigjen që i nevojiten për tu rritur.
– Pirja e duhanit gjatë shtatzënisë mund të shkaktojë peshë të ulët të lindjes, lindje të parakohshme dhe vdekje të foshnjave.
Në anën tjetër edhe tymi i dorës së dytë mund të shkaktojë probleme për fëmijën tuaj.
Sipas Shoqatës Amerikane të Mushkërive, studime të reja kanë treguar se nëse një grua është rreth duhanit të dorës së dytë gjatë shtatzënisë, ekzistojnë rreziqe të shtuara.
– Ju keni një shans më të madh për të pasur një fëmijë që peshon pak dhe mund të ketë probleme shëndetësore.
– Pirja e duhanit gjatë shtatzënisë mund të bëjë që fëmija juaj të ketë më shumë ftohje, probleme me mushkëritë, paaftësi në të mësuar dhe probleme të rritjes fizike.
Nëse një nënë vazhdon të pi duhan pasi fëmija të lindë, fëmija mund të marrë më shumë ftohje, kollitje dhe infeksione të veshit të mesëm.
Bebet kanë mushkëri shumë të vogla, dhe tymi nga cigarja ua bën më të vështirë frymëmarrjen. Kjo mund të bëjë që foshnja të marrë bronkit dhe pneumoni.
Gratë shtatzëna dhe fëmijët e vegjël duhet të përpiqen të qëndrojnë larg çdo vendi ku ndodh pirja e duhanit. /Gazeta Shneta/