Një studim i ri tregon se bebet e lindur në muajin Janar kanë disa avantazhe krahas foshnjave të lindura në muajt e tjerë.
Bebet e lindur në janar kanë më shumë mundësi të bëhen të famshëm
Njerëzit e lindur në janar kanë më shumë mundësi të bëhen të famshëm për shkak të kreativitetit të tyre dhe aftësive që kanë për zgjidhjen e problemeve të ndryshme, kështu tregon një studim i ri. Ndërkohë që rezultatet e studimit nuk kanë shprehur prova të shumta dhe kanë ende nevojë për studime të mëtejshme, studiuesit shprehen gjithashtu se: “Fëmijët e lindur në muajin janar kanë më shumë mundësi të preken nga çrregullimet bipolare si dhe disa çrregullime të tjera mendore”. Dhe për shkak se shumë studime i kanë lidhur çrregullimet mendore me kreativitetin, bebet e lindur në janar kanë më shumë mundësi të bëhen të famshëm.
Edhe nëse nuk bëhen të famshëm mund të bëhen shefa
Bebet e janarit kanë shumë mundësi të bëhen shefa, pasi të dhënat e mbledhura nga 500 kompani që nga viti 1992 deri në 2009 tregojnë se janari është një nga muajt që ka prodhuar më shumë persona drejtues për këto kompani. Një nga arsyet se përse ndodh kjo gjë, varet nga fakti se bebet e janarit janë më të zhvilluar kur futen në sistemin arsimor. Për këtë arsye edhe tetori, nëntori e dhjetori kanë rezultate të ngjashme.
Gjithashtu bebet e lindur në janar kanë më shumë mundësi të jenë mëngjarash
Nga studimi i më shumë se 13000 të rriturve nga Austria dhe Gjermania u zbulua se bebet e janarit kishin më shumë mundësi të ishin mëngjarash. Kjo ndodh për shkak se bebet e lindur në janar ekspozohen ndaj nivele më të larta të testosteronit në mitër, gjë që pengon zhvillimin e hemisferës së majtë të trurit e cila është përgjegjëse për zhvillimin e dorës, këmbës së djathtë. Për këtë arsye ka shumë mundësi që ata të bëhen mëngjarash./Pernenat.al/