Të gjithëve na nevojiten disa palë duar shtesë për të ndihmuar në punët e shtëpisë.
Mali me rroba të palara, enët e hedhura në enëlarëse, këmishat e pahekurosura…
Të gjitha këto punë shpesh bien vetëm mbi supet e nënave, të cilat përpos përkudjesit ndaj fëmijëve dhe tërë familjes, u duhet që të kryejnë edhe mijëra punët tjera të shtëpisë të cilat vetëm se përsëriten cdo ditë, transmeton Gazeta Shneta.
Por Julie Lythcott-Haims, ish-dekane në Stanford University, ka thënë se prindërit duhet të fillojnë të përfshijnë fëmijët e tyre në obligimet e tilla.
Ajo ka thënë se fëmiëjt që rriten duke kryer punë të shtëpisë mësojnë që në moshë të hershme për përgjegjësinë. Ata zbulojnë mënyra se si të kryejnë gjërat; e kuptojnë se rrëmujat nuk pastrohen vetë, as në kuptimin e parë të fjalës e as në atë figurative. Kështu ata zhvillojnë një etikë pune qysh në vegjëli, shkruan “Health Line”.
Por kaq e thjeshtë sa duket, shumica e prindërve e harrojnë një gjë të tillë pasi që humben në valët e mijëra përgjegjësive tjera prindërore.
Lythcott-Haims ka shpjeguar se si metodat moderne të prindërimit janë duke e dëmtuar njëfarë forme të ardhmen e fëmijëve. Prindërit e sotëm sipas saj janë duke rritur fëmijët me një super mbrojtje nga ofendimet, sulmet, kushtet atmosferike. Ky mentalitet që t’I ekspozojnë fëmijët sa më pak ndaj dhimbjeve dhe situatave të palakmueshme nuk ëshë në favorin e asnjërës palë.
Por ata duhet ta kuptojnë se një gjë e tillë si pastrimi i dyshemesë mund t’u ndihmojë fëmijëve të zhvillohen po aq kur ata bëjnë një mësim pianoje apo kur zgjedhin probleme matematikore./GazeteShneta/