Fruthi mund të jetë i vështirë për t’u diagnostikuar gjatë shtatzënisë, sepse shpesh mungon skuqja e ndjeshme e infeksionit, tha Bansal, i cili ishte i përfshirë në trajtimin e një gruaje me fruth.
Nuk është e qartë se pse vie deri tek skuqja karakteristike – e cila shfaqet si njolla të dallueshme të mëdha të kuqe që zakonisht përhapen nga fytyra në qafë dhe për të kaluar deri te këmbët – por ka gjasa për shkak të ndryshimeve në sistemin imunitar që ndodhin gjatë shtatzënisë, tha ajo për livescience.
Në fakt, gruaja kishte një skuqje të butë kur ajo shkoi në spital gjatë javës së 32-të të shtatzënisë.
Ajo u tha mjekëve se ajo gjithashtu kishte një dhimbje të fytit dhe ethe. Skuqja, e cila ishte përcjell me kruarje e me gunga të kuqe, fillimisht u shfaq në pëllëmbët e duarve të saj dhe më pas u përhap në fytyrë, sipas raportit.
Por thjesht të kesh një skuqje të lëkurës nuk do të thotë se një person ka fruthin; viruset e tjera mund të shkaktojnë skuqje, tha Bansal transmeton Gazeta Shneta.
Kur gruaja u pranua në spital, mjekët fillimisht dyshuan se ajo mund të kishte patur një infeksion jospecifik të frymëmarrjes virale, sic mund të ishte gripi.
Ndërsa sëmundja e saj u përkeqësua, mjekët vunë në dukje se skuqja e saj u përhap në gjoks, në shpinë dhe në stomak, një model që është më tipik për fruthin, sipas raportit.
Gratë shtatzëna që nuk kanë marrë vaksinën kundër fruthit siç ishte rasti me këtë grua, janë në rrezik të shtuar për sëmundje të rënda dhe komplikime të fruthit, sipas Kolegjit Amerikan të Obstetërve dhe Gjinekologëve.
Grupi gjithashtu vë në dukje se marrja e fruthit gjatë shtatzënisë është e lidhur me një rritje të rrezikut të shtrimit në spital dhe pneumonisë, si dhe një rritje të rrezikut të lindjes së parakohshme, abortit ose të një foshnje me peshë të ulët./Gazeta Shneta/