Koncepti i “humbjes së fokusit nga mësimët” nuk është një gjë e re. Ky është një shqetësim që shkencëtarët e kanë debatuar që nga vitet e 90-ta.
Humbja e të nxënit gjatë verës është humbja e aftësive dhe njohurive akademike që fëmijët mund të përjetojnë gjatë pushimit veror nga shkolla.
Ndonëse ekspertët ende debatojnë përse ndodh kjo dhe shkalla në të cilën fëmijët preken, shumë mësues thonë se është një çështje e vërtetë për shumë studentë në fillim të çdo viti, transmeton Gazeta Shneta.
Shumë shtete ofrojnë bursa për një varg programesh dhe aktivitetesh verore që mund të ofrojnë mundësi për mësim dhe qasje në përfitime të tjera shkollore që mund të humbasin gjatë verës, duke përfshirë edhe programet ushqimore.
Prindërit gjithashtu mund të ndihmojnë në zvogëlimin e ndikimit të humbjes së të nxënit gjatë verës ndërsa fëmijët janë në shtëpi me aktivitete të rregullta, duke diskutuar ngjarjet e duhura aktuale ose duke lexuar për të paktën 30 minuta në ditë.
Ja si mund t’ia bëni për të mbajtur fëmiëjt të fokusuar edhe gjatë kësaj stine:
– Punësoni një tutor që do mësojë më fëmijën në lëndët që kanë më shumë vështirësi
– Shpenzoni 30 minuta në ditë duke lexuar ose duke zgjedhur problemet matematikore
– Vizitoni një muze, galeri ose qendër shkencore a kulturore; thuani fëmijëve tuaj që të luajnë rolin e cicëronit dhe t’u shpjegojnë juve faktet interesante rreth artefakteve, shkruan “Health Line”.
– Merreni një fletë me figurë për ngjyrosje; sa herë që fëmij të përfundojë një detyrë ata duhet ta ngjyrosin një pjesë të kësaj flete. Kur e tërë fleta të jetë mbushur me ngjyra atëherë shpërblejeni fëmijën tuaj me një dhuratë që ju e dini se do e pëlqenin tej mase.
– Diskutoni me ta rreth ngjarjeve politike a kulturore (të përshtatshme për moshën e tyre); kështu do u imponohet të mbajnë një qëndrim më serioz dhe të tentojnë të kuptojnë bisedën me ju
– Kontrolloni me ta buxhetin tuaj, cmimet e zarzavateve të blera dhe bëni llogarinë në fund. Këtë llogari është mirë ta bëjnë fëmijët sepse kështu do stërvitin aftësitë e kalkulimeve por edhe do të fitojnë një ndjenjë përgjegjësie ndaj të hollave.
Sipas ekspertëve, puna me fëmijët duhet të jetë e pandalshme , një aktivitet i përditshëm të cilit do ia shihni frytet nëse e bëni me rregull./GazetaShneta/