Gratë gjithnjë e më shumë po flasin rreth ushqimit me gji. Por edhe në ditët e sotme kur zhvillimet mjekësore e shkencore kanë gjetur shumë përgjigje për shendetin e njeriut, ende ka hapësira për përmirësim, transmeton GazetaShneta.
Duke pasur parasysh gjerësinë dhe thellësinë e njohurive mjekësore, pse gratë ende nuk kanë një përgjigje për sfidat rreth gjidhënies?
Sepse ushqyerja me gji shihet ende si një zgjedhje jetese që gratë mund të japin ose të marrin, në vend që të jetë një funksion primar fiziologjik i një organi trupor, i cili ndihmon në mbrojtjen e shëndetit fizik dhe mendor të nënës. Nëse pyetni një nënë përse ajo donte të ushqente foshnjen me gji, ajo do të tregojë se si e ndihmoi shëndetin e fëmijës së saj. Kjo është më se e vërtetë, por ekziston edhe një arsye tjetër përse ushqyerja me gji është e rëndësishme – e drejta e gruas për të funksionuar me trupin e saj ashtu siç edhe pritet.
Ushqyerja me gji është një funksion biologjikisht normal për gjinjtë e grave. Kjo nuk duhet të ngatërrohet me një domosdoshmëri biologjike ose shoqërore (diçka që dikush mendon se një grua është e detyrar të bëjë). Nuk është vetëm funksioni i gjinjve – larg nga ajo – por ne jemi gjitarë, me gjëndra të qumështit për të ushqyer foshnjat. “Biologjikisht normale” nuk do të thotë domosdoshmërisht, ose që gjithnjë do të funksionojë. Por shumë funksione normale fiziologjike – duke përfshirë ecjen dhe bisedën – ndihmohen në zhvillimin e tyre me udhëzime dhe mbështetje, ashtu si duhet të ushqehet me gji, përcjellë Motherly.
Ushqyerja me gji nuk është thjesht një zgjedhje logjike e bazuar në disa përfitime shëndetësore, por një kërkesë, një instinkt. Dhe ushqyerja me gji është e dobishme për gratë, jo vetëm si një sistem i shpërndarjes së qumështit, por si një lehtësi për nënën. Ashtu siç mund të shijojmë nuhatjen e një arome të këndshme, gratë mund të kënaqen me gjidhenie. Ato mund të ndihen të fuqizuara, të shëruara e të qartësuara prej saj./GazetaShneta/