Pilula kontraceptive, e cila u pa si revolucionare në vitet ’60 për kontrollin e lindjeve, po shihet me dyshim nga shumë gra sot.
Sipas raportimeve ndërkombëtare, një numër i madh i të rejave po e braktisin atë, duke u orientuar drejt metodave natyrore si aplikacionet e gjurmimit të ciklit menstrual.
Arsyet lidhen me shqetësimet për efektet anësore – si ndryshimet e humorit, gjakderdhjet e parregullta, apo rastet e rralla të komplikimeve serioze – por edhe me ndikimin e madh të rrjeteve sociale, ku shpesh shpërndahen histori personale e dezinformata, shkruan Euronews transmeton Gazeta Shneta
Ekspertët theksojnë se pilula mbetet një nga metodat më të sigurta dhe efektive, me efikasitet mbi 99% kur përdoret rregullisht, si dhe sjell përfitime shtesë për shëndetin e grave.
Ndërkohë, metodat natyrore kanë popullaritet për shkak se janë pa hormone, por bartin deri në 24% rrezik për shtatzëni të padëshiruar nëse nuk ndiqen me kujdes.
Sipas specialistëve të shëndetit riprodhues, ajo që kërkohet është më shumë hulumtim, investim dhe ofrim i alternativave më të gjera, përfshirë edhe opsionet kontraceptive për burrat./Gazeta Shneta/