Është e sigurt se pozitat e gjumit tek bebet e para disa viteve dhe tani, dallon shumë.
Nga pozita e gjumit në bark, në krahë, tani pozita e rekomanduar nga të gjithë ekspertët është që foshnja të flejë në shpinë, shkruan KidSpot, transmeton Gazeta Shneta.
Deri në vitin 1980 ekzistonte frika se bebet mund të mbyten nga të vjellat, nëse flenë në shpinë dhe kështu praktika ishte që gjumi të bëhej në bark.
Është shumë më e vështirë për beben të zgjohet nëse ka fjetur në bark dhe prandaj kjo pozitë konsiderohet si mjaft e rrezikshme për shkaktimin e sindromës së Vdekjes së Papritur.
Nga fillimi i viteve 90, shoqatat e pediatërve në mbarë botën paralajmëruan prindërit për këtë sindromë dhe sugjeruan fjetjen në krahë. Për këtë të fundit ende nuk ka gjetje shkencore se është opsion i mirë.
Disa vite më vonë, këshillat sërish ndryshuan duke ardhur në përfundim se e vetmja pozitë e sigurtë për gjumin e bebes është në shpinë. /Gazeta Shneta/
