Gratë pas lindjes përballen me vetëbesimin e ulët, tregon studimi

2022-07-09 në ora 22:16

Lindja është një nga fazat me të cilat një grua përjeton tranformim të jetës së saj.

Patjetër se, shtatzënia dhe lindja prodhojnë shumë ndryshime fizike në trupin e një gruaje. Megjithatë, ndryshimet më të thella me të cilat përballen gratë pas lindjes janë në nivelin emocional shkruan Belly Belly, transmeton Gazeta Shneta.

 

Lindja dhe periudha pas lindjes duhet të jenë të gëzueshme dhe fuqizuese për nënat e reja.

Vetëbesimi i një gruaje duhet të përmirësohet pas lindjes. Shëndeti i saj, kënaqësia e marrëdhënieve dhe nivelet e vetëbesimit duhet të jenë në rritje pas lindjes së një fëmije.

Megjithatë, ne të gjithë e dimë se ky nuk është rasti për shumë nëna të reja.

Shumë gra përpiqen që të balancojnë punët e tyre si karrierën e tashmë edhe amësinë. Në anën tjëter, patriarkaliteti i kanë vendosur gratë në një pozitë shumë të vështirë pasi shumica e grave janë rritur për t’i vendosur nevojat e të tjerëve përpara atyre të tyre.

Si rezultat i stresit të krijuar se nuk do t’ja dal t’i përkushtohet fëmijës dhe vetes, dhe duke mos pasur një partner mbështetës, gratë mund të pësojnë një rënie të vetëbesimit të tyre.

Një nga studimet thekson faktin se shoqëria pret që nënat e reja të vazhdojnë t’i marrin këto role tradicionale të bazuara në gjini. Kjo ka një ndikim të madh në vetëvlerësimin e grave pas lindjes, pasi ato thjesht nuk mund të përmbushin këto pritshmëri.

Pas paaftësisë për t’u kujdesur siç duhet për veten dhe foshnjen, shtëpinë, partnerin dhe fëmijët e tjerë, vjen një rënie e rëndësishme e vetëvlerësimit, e cila mund të rezultojë në pakënaqësi, kënaqësi të dobët në marrëdhënie, një humor të dëshpëruar dhe, në fund, në depresion pas lindjes.

Për këtë arsyje, në rast se vëreni ndryshime të tilla mos hezitoni t’i ndani me të afërmit apo profesionistët e kësaj fushe. /Gazeta Shneta/