Të gjithë e dijmë se është një ide e mirë për ta lënë duhanin dhe për të arritur një peshë ideale dhe të shëndetshme përpara se të mbetemi shtatzënë. Por studimet e reja kanë treguar se largimi nga ushqimet e shpejta është i rëndësishëm gjithashtu.
Studimi që u publikua në revistën “Riprodhimi i Njeriut” intervistoi 5598 gra në Australi, Zelandën e Re, Mbretërinë e Bashkuar dhe Irlandën për t’i pyetur për mënyren se si ushqehen.
Ajo se çfarë u gjet nga ky hulumtim është se, shumica e këtyre grave hanin ushqime të shpejta dhe pak fruta gjithashtu kishin pasur vështirësi për të mbetur shtatzënë. Kurse për disa prej tyre kishte qenë e pamundur.
Ngrënja e një mandarine nuk mund të shijoj njësoj si një hamburger me djath, por duhet të zëvendësoni ushqimet e shpejta me ushqime të shëndetshme nëse dëshironi të bëheni me fëmijë.
Studimi tregon se gratë që hanë fruta çdo ditë, në përpjekjen e parë kanë mbetur shtatzënë kurse ato që hanin më rrallë u është dashur më shumë kohë.
Udhëheqësi i studimit, profesor Claire Roberts, tha se “gjetjet tregojnë se të hahet një dietë me cilësi të mirë që përfshin fruta dhe minimizimin e konsumit të ushqimit të shpejtë përmirëson fertilitetin dhe zvogëlon kohën që duhet për të mbetur shtatzënë”, shkruan Kidspot, transmeton Gazeta Shneta.
Pra, me pak fjalë: nëse jeni duke u përpjekur të mbetni shtatzënë, ju duhet të rritni sasinë e ushqimeve të shëndetshme. Ne e dimë se nuk është zbavitëse. Mirëpo mirëpritni në nëntë muajt e ardhshëm gëzimin më të madh në jetën tuaj.