Më 27 qershor iu ndalua operimi përkohësisht.
Vendimi u mor nga inspektorati sanitar, pas dyshimeve se klientë të kësaj qebaptoreje u helmuan nga ushqimi i konsumuar këtu.
Analizat e bëra nga Instituti kombëtar i shëndetësisë publike konfirmuan, më 3 korrik, se është gjetur salmonellë në sallatën e këtij biznesi.
Deri më 2 korrik, sipas IKSHPK-së për shkak të simptomave pas konsumimit të ushqimit në këtë qebaptore, janë hospitalizuar 23 persona me simptoma gastrointenstinale. 8 të tjerë janë trajtuar në mënyrë ambulantore, transmeton klankosova.
Simptomat e tyre përfshinin temperaturë, ethe, vjellje, bark qitje ujore dhe dhembje barku.
Pavarësisht gjetjes së salmonellës, inspektorati sanitar shfuqizoi vendimin e parë për ndaljen e përkohshëm të operimit për qebaptoren. Arsyetimi ishte se kjo e fundit përmirësoi të gjitha kushtet higjeno sanitare. Por një rekomandim u dha.
Megjithatë, rasti është dërguar te organet e drejtësisë. E sipas kryeinspektorit sanitar, pronari i qebaptores, mund të ndëshkohet nga gjykata për shqetësimin shëndetësor që ua shkaktoi klientëve, siç e parasheh ligji për ushqimin edhe procedurat administrative
Televizioni provoi ta marrë një qëndrim nga përfaqësues të biznesit në fjalë, por nuk ia doli, pavarësisht përpjekjeve gati njëjavëshe.