Gjakderdhja e tepërt pas lindjes quhet hemorragji pas lindjes. Shkaku më i zakonshëm i hemorragjisë është atonia e mitrës, që do të thotë se mitra nuk tkurret normalisht pas lindjes.
Hemorragjia pas lindjes është një urgjencë mjekësore dhe grave që e përjetojnë këtë do t’u jepen lëngje IV dhe medikamente për të ndihmuar në kontrollin e gjakderdhjes, shkruan burimi Baby Center përcjell Gazeta Shneta.
Mirëpo, mos harroni se një gjakderdhje e lehtë pas lindjes është normale. Të gjitha nënat e reja kanë gjakderdhje dhe rrjedhje vaginale menjëherë pas lindjes, pasi placenta fillon të ndahet nga mitra.
Ndërsa placenta shkëputet, ajo lë enët e gjakut të hapura që rrjedhin gjak në mitër. Pas lindjes së placentës, mitra zakonisht kontraktohet, duke mbyllur këto enë gjaku dhe duke ndalur gjakderdhjen.
Ky lloj gjakderdhjeje dhe shkarkimi quhet lokia. Zakonisht është e kuqe e ndezur në fillim, por duhet të bëhet gradualisht më e lehtë në ngjyrë dhe sasi – gjatë ditëve të para.
Trupi juaj është i përgatitur mirë për të përballuar një sasi të caktuar të humbjes së gjakut, sepse vëllimi i përgjithshëm i gjakut rritet me pothuajse 50 për qind gjatë shtatzënisë.
Pas lindjes, ofruesi juaj mjekësor mund ta ndihmojë mitrën tuaj të kontraktohet duke shtypur fort barkun tuaj dhe ju gjithashtu mund të merrni një formë sintetike të hormonit oksitocinë i cili mund të ndihmojë mitrën tuaj të tkurret.
Për të mësuar më shumë rreth komplikimeve të shtatzënisë KLIKO KËTU.
Ushqyerja me gji, gjithashtu, ndihmon në këtë drejtim sepse e shtyn trupin tuaj të lëshojë oksitocinë në mënyrë natyrale.
Cilat janë shenjat dhe simptomat e hemorragjisë pas lindjes?
Gjakderdhja e tepërt është shenja më e dukshme e hemorragjisë pas lindjes. Ofruesi juaj mjekësor, mund të vërejë gjithashtu, kur ju ekzaminon pas lindjes, se mitra juaj është e zmadhuar dhe e butë mirëpo jo e fortë.
Ju gjithashtu mund të zhvilloni shenja shoku, të tilla si:
– Pamje e paqartë;
– Të dridhura;
– Nauze ose të vjella;
– Dhimbje koke të lehta, dobësi ose marramendje;
– Rrahje të shpejta të zemrës ose palpitacione;
– Frymëmarrje e shpejtë ose e cekët;
– Lëkurë e zbehtë dhe/ose e lagësht;
– Shqetësim;
– Konfuzion.
Faktorët e rrezikut për hemorragjinë pas lindjes përfshijnë: obeziteti, gjendje të hermorragjisë së mëparshme pas lindjes, mosha e nënës 35- vjeç e sipër dhe fibroidet e mëdha të mitrës. /Gazeta Shneta/