Hepatiti B është një infeksion i mëlçisë i shkaktuar nga virusi i cili është i përhapur në të gjithë botën.
Kur të rriturit kontraktojnë këtë virus, shumica janë në gjendje ta pastrojnë atë vetë deri në 95% të rasteve.
Mirëpo, foshnjat dhe fëmijët me imunitet më të dobët, kur preken nga virusi i hepatiti B, ata shpesh nuk mund ta pastrojnë virusin dhe bëhen bartës të përjetshëm, të kësaj sëmundje, shkruan Pregnancy Info përcjell Gazeta Shneta.
Të gjitha gratë shtatzëna kontrollohen në mënyrë rutinore për hepatitin B në fillim të shtatzënisë.
Kjo bëhet me një analizë gjaku. Nëse rezultatet e testit tuaj janë pozitive, ka një shans të mirë që t’ia transmetoni virusin fëmijës tuaj gjatë lindjes.
Për të mësuar më shumë rreth komplikimeve të shtatzënisë KLIKO KËTU.
Lindja me prerje cezariane nuk rekomandohet pasi rrit rrezikun e transmetimit të virusit tek foshnja.
Në shumicën e rasteve, nëse fëmija juaj merr vaksinën e hepatitit B brenda 12 orëve të para të jetës, infeksioni mund të parandalohet. Foshnjës suaj do t’i jepet një vaksinë menjëherë pas lindjes, dhe përsëri në muajin 1 dhe 6.
Nëse jeni infektuar rishtazi, mund t’ju duhet t’i nënshtroheni testeve të mëtejshme për të parë nëse mëlçia juaj funksionon mirë dhe mund të merrni trajtim.
Cilët janë faktorët e rrezikut për t’u prekur nga hepatiti B?
Ju jeni në rrezik të lartë nëse:
– Keni një infeksion seksualisht të transmetueshëm;
– Keni lindur nga një nënë e infektuar me hepatit B;
– Keni bërë një tatuazh me pajisje të pasterilizuara;
Po sikur të bie në kontakt me dikë me hepatit B gjatë kohës që jam shtatzënë?
Ju mund të merrni vaksinën e hepatitit B gjatë shtatzënisë për të parandaluar infeksionin. /Gazeta Shneta/