Erik Erikson ishte një psikolog i shekullit të 20-të. Ai analizoi dhe ndau përvojën njerëzore në tetë faza të zhvillimit. Çdo fazë ka një konflikt unik dhe një rezultat unik.
Një fazë e tillë – intimiteti kundrejt izolimit – tregon luftën që të rriturit e rinj e kanë ndërsa përpiqen të zhvillojnë marrëdhënie intime. Kjo është faza e gjashtë e zhvillimit, sipas Erikson, transmeton Gazeta Shneta.
Ndërsa njerëzit kalojnë nëpër këto faza, Erikson besonte se ata fitonin aftësi që do t’i ndihmonin ata të arrinin në fazat e ardhshme. Megjithatë, nëse kishin vështirësi në arritjen e këtyre aftësive, mund të përjetonin ngecje gjatë zhvillimit në jetën e tyre.
Në nivelin “intimiteti kundrejt izolimit” Erikson nënkupton pasjen e një marrëdhënie të shëndetshme dhe përmbushëse. Në anën tjetër, nëse personi nuk arrin të krijojë një raport të till, do të përjetojë vetminë apo izolimin, shkruan “Health Line”.
Ndërsa fjala intimitet mund të ndjell mendimet e një marrëdhënieje seksuale, kjo nuk është ashtu siç e përshkroi Erikson.
Sipas tij, intimiteti është një marrëdhënie dashurie e pastër e çdo lloji. Ajo kërkon ndarjen e vetes me të tjerët. Kjo mund t’ju ndihmojë të krijoni lidhje të thella personale.
Po, në disa raste, intimiteti përfshin edhe një marrëdhënie romantike. Erickson besonte se kjo fazë e zhvillimit ndodh midis moshës 19 dhe 40 vjeçare – pikërisht kur shumica e individëve mund të kërkojnë një partner romantik gjatë gjithë jetës.
Çka çon në intimitet apo izolim?
Intimiteti është një mënyrë e hapjes së vetes tek të tjerët dhe për të ndarë kush jeni dhe përvojat tuaja në mënyrë që të krijoni lidhje të qëndrueshme dhe të forta. Kur e vini veten përballë kësaj nevoje ju jeni duke tërhequr besim nga personi tjeter, dhe kjo gjë automatikisht krijon intimitet.
Kurse, nëse këto përpjekje nuk arrjnë synimin e caktuar ose jeni refuzuar në një farë mënyre, ju mund të tërhiqeni. Frika për t’u larguar, për t’u refuzuar ose për t’u lënduar mund t’ju çojë të izolim të vetes nga të tjerët.
Përfundimisht, kjo mund të ulë vetëbesimin tuaj duke ju bërë edhe më të pagatshëm që të zhvilloni marrëdhënie ose miqësi të reja.
Në raste të tilla ju duhet të kërkoni ndihmë nga një profesionist apo të hapni zemrën me dikë që ju u besoni. Nuk është mirë që ndjenja të tilla të mbahen brenda pasi që mund të krijojnë stres, ankth e deri tek depresioni./GazetaShneta/