Ja sa duhet të jetë temperatura në dhomën e foshnjës

2018-01-31 në ora 22:41

Nëse jeni një prind i ri apo do të bëheni së shpejti, me siguri që e dini se një nga shqetësimet më të mëdha që kanë prindërit është mirëqënia dhe rehatia e bebit. Prindërit kanë shumë kohë që përpiqen të gjëjnë një metodë që mund t’i sigurojë ata se bebet e tyre do të bëjnë një gjumë të qetë e të rehatshëm gjatë gjithë natës, pa pasur ftohtë ose vape.

Pse është kaq i rëndësishëm rehatia termike për bebet?

Si për të rriturit ashtu dhe për bebet, rehatia termike është diçka që mund të ndikojë seriozisht në kualitetin e gjumit dhe të shëndetit në përgjithësi. Veçanërisht për bebet është e rëndësishme që dhoma mos të jetë as shumë e ftohtë por as shumë e ngrohtë.

Çfarë mund te ndodh?

Një nga shqetësimet kryesore të prindërve të rinj është SIDS e cila mund të shkaktohet edhe nga stresi termik. Për të shmangur këtë, ekspertët sugjerojnë që dhoma e bebit të ketë një temperaturë mesatare 180C deri në 210C. Gjithashtu, nëse bebi ka shumë vapë apo shumë ftohtë gjatë natës, shpesh ai do të zgjohet duke qarë, gjë që do të ndikojë edhe në cilësinë e gjumit tuaj.

Si mund të veproni?

  1. Gjithmonë e vendosni bebin të flejë me shpinë.
  2. Për të kontrolluar temperaturën e bebit vendosni dorën tuaj në barkun e tij ose prapa qafës, e më pas zgjidhni veshjen e duhur.
  3. Mos e ngarkoni shumë me batanije apo shtresa të tjera.
  4. Nëse ndieni të ftohtë, mund t’i vishni ndonjë rrobë më tepër.
  5. Mundohuni që temperatura e dhomës të jetë brenda normave të rekomanduara./Pernenat.al/