Infeksionet që mund të ndikojnë në shëndetin e grave shtatzëna, shtatzanisë dhe foshnjes përfshijnë:
Vaginoza bakteriale është infeksioni vaginal më i zakonshëm tek gratë në moshën riprodhuese. Ai rrit rrezikun e kontraktimit të infeksioneve seksualisht të transmetueshme dhe mund të luajë një rol në lindjen e parakohshme, transmeton Gazeta Shneta.
Gjendja rezulton nga një ndryshim në ekuilibrin e baktereve që normalisht jetojnë në vaginë. Seksi i pambrojtur dhe konsumimi i duhanit mund të rrisin rrezikun e vaginozës bakteriale.
Klamidia, ky infeksion shoqërohet me një rrezik të madh të lindjes së parakohshme dhe komplikimeve gjatë shtatzanisë. Nëse infeksioni është i pranishëm dhe nuk mjekohet në kohën e lindjes mund të çojë në infeksione të syrit ose pneumoni tek foshnja.
Cytomegalovirus është një virus i zakonshëm i pranishëm në shumë lëngje trupore që mund të përhapet përmes kontaktit të ngushtë personal, siç janë puthja ose ndarja e enëve të ushqimit.
Virusi zakonisht nuk shkakton probleme shëndetësore por pasi të jetë në trupin e një personi ai qëndron aty për jetë dhe mund të riaktivizohet në periudha të ndryshme. Një grua shtatzënë mund të mos e dijë që ajo ka infeksionin dhe ky virus mund të kalojë tek fetusi i saj, suke shkaktuar infeksion kongjenital.
Sëmundja tjetër shkaktohet nga parvovirusi njerëzor lloji B19. Virusi shkakton një sëmundje të zakonshme të fëmijërisë që përhapet lehtësisht nga personi në person. Fëmijët që e marrin atë zakonisht kanë ethe dhe skuqje në faqe.
Gonorrea lidhet me abortin, lindjen e parakohshme dhe peshën e ulët të lindjes, këputjen e parakohshme të membranave që rrethojnë fetusin në mitrës dhe infeksionin e lëngut që rrethon fetusin gjatë shtatzanisë.
Gonorrea gjithashtu mund të infektojë një foshnje gjatë lindjes pasi kalon nëpër kanalin e lindjes. Nëse nuk mjekohet, foshnjat mund të zhvillojnë infeksione në sy dhe verbëri.
Streptokoku i Grupit B (GBS) mund të shkaktojë probleme serioze shëndetësore tek foshnjat. Por, dhënia e antibiotikëve gjatë lindjes mund të parandalojë përhapjen e GBS, kështu që është e rëndësishme që të testoheni për infeksionin gjatë shtatzanisë./GazetaShneta/