Thuhet se përveç rreziqeve të kancerit të lëkurës, gratë shtatzëna kanë një numër rreziqesh të tjera për t’u marrë parasysh nëse ato kalojnë shumë kohë në diell.
Këto rreziqe përfshijnë gjithçka nga djegia më e lehtë deri në dehidratimit dhe dhe ulje të depozitave të acidit folik shkruan VeryWellFamily përcjell Gazeta Shneta.
Kur jeni shtatzënë, niveli i rritur i hormoneve që kontrollon në trupin tuaj bën që lëkura juaj të bëhet më e ndjeshme dhe të digjet më lehtë në diell.
Në fakt, qelizat tuaja prodhuese të pigmentit ato që ju japin njollë – janë në tepricë duke bërë që lëkura juaj të bëhet më e ndjeshme ndaj njollosjes kur ekspozohet ndaj rrezeve UV të diellit.
Rrezet e diellit gjithashtu mund të kullojnë trupin tuaj me lëngje duke ju bërë të dehidroheni dhe mbinxeheni. Kjo mungesë e lëngjeve më pas mund të shkaktojë stres të panevojshëm, i cili nga ana tjetër mund të çojë në kontraktime para-kohe.
Për më tepër, kur trupi juaj është i mbinxehur, temperatura juaj bazë është ngritur, gjë që mund të shkaktojë defekte të lindjes.
Dhe së fundi, rrezet UV të diellit mund të prishin nivelin e acidin folik në trup, gjë që rrit mundësinë e defekteve të lindjes. Kjo është e rrezikshme për zhvillimin neurologjik të foshnjës tuaj, veçanërisht gjatë 12 javëve të para të shtatëzanisë.
Për sa kohë që merrni masa paraprake, duhet të jeni mirë. Edhe nëse thjesht po shkoni në një piknik në natyrë për një orë apo më shumë, prapëseprapë duhet të jeni të kujdesshme dhe të ndërmerrni hapa për të mbrojtur lëkurën tuaj.
Këtu janë disa sugjerime se si të mbroni ju dhe fëmijën tuaj të palindur nga ekspozimi i tepërt në diell.
Përdorni kremrat e diellit
Për mbrojtje të përgjithshme duhe të përfshini marrjen e një kapele, syze dielli dhe veshje të lehta që mbrojnë lëkurën tuaj nga rrezet e diellit. Atëherë, në fund aplikoni kremin e diellit si pengesën tuaj të fundit të mbrojtjes.
Konsumoni shumë ujë
Ju mund ta mbani trupin tuaj të freskët dhe të parandaloni mbinxehjen duke pirë shumë ujë. Kjo gjithashtu do t’ju ndihmojë të qëndroni të hidratuar.
Shmangni diellin gjatë orëve të pikut
Nëse është e mundur, mundohuni të mos qëndroni në diell midis orës 10 të mëngjesit dhe 2 pasdite, kur rrezet e diellit janë më të fortat. /Gazeta Shneta/