I jepni fëmijës telefonin përpara se të shkojë në gjumë, po e dëmtoni atë

2018-02-02 në ora 20:01

Gjithnjë e më tepër është bërë e zakonshme që prindërit t’i japin fëmijës celularët e tyre për t’i vënë në gjumë. Sipas ekspertëve ky është një zakon i dëmshëm për fëmijët tuaj dhe ngrenë alarmin se kurrsesi fëmijët nuk duhen lënë në celular përpara se të flenë.

Drita e ekranit të celularit prish ritmin normal të trupit dhe shkakton çrregullime

Sipas një studimi në Universitetin e Harvardit, udhëhequr nga mjeku Charles Czeisler, ekspozimi ndaj dritës blu të ekranit të telefonit, ndryshon ritmin e gjumit. Pasojat janë më pak orë gjumë dhe një gjumë i çrregullt.

Ndryshimi i orarit të gjumit krahasuar me të kaluarën

Një tjetër studim në Amerikë zbuloi se ditët e sotme fëmijët flenë mesatarisht 1.2 orë më pak se bashkëmoshatarët e tyre që jetonin një shekull më parë. Studimi i botuar në revistën “Pediatrics” thotë se 90 për qind e fëmijëve të moshave 5-17 vjeç shkojnë për të fjetur më vonë dhe kanë një gjumë të parehatshëm e zgjohen shpesh gjatë natës. Duke parë ekranin e një objekti elektronik, truri kalon orën e brendshme dhe nuk kupton kohën e duhur. Pra, trupi përshtatet në përputhje me rrethanat dhe e mban veten të zgjuar, duke besuar se është ditë.

Ndikimi i dyfishtë

Drita që lëshojnë celularët ndikon në fiziologjinë e fëmijëve, por gjithashtu kurioziteti i tyre për video-lojërat dhe aplikacionet që shohin, stimulon trurin e tyre të qëndrojë zgjuar në orët e vona.

Rreziku për shikimin

Sa më e ulët të jetë mosha e fëmijëve, aq më i lartë është rreziku për të dëmtuar shikimin e tyre. Kjo ndodh sepse organet dhe shqisat e tyre nuk janë plotësisht të zhvilluara dhe janë më të ndjeshme ndaj faktorëve të jashtëm.

Këshilla:

Asnjëherë mos i jepni fëmijës celular ose tablet përpara se të flejë.

Mbani pajisjet elektronike jashtë dhomës ku flini.

Edukoni fëmijët rreth rëndësisë së gjumit.

Jepini atyre shembull të mirë përmes sjelljes suaj./Pernenat.al/