Gratë që kanë lindur kohët e fundit mund të kenë një rrezik në rritje të zhvillimit të kancerit të gjirit.
Hulumtimet e kaluara kanë sugjeruar që lindja të ketë një efekt mbrojtës kundër kancerit të gjirit, por sipas kërkimeve më të reja të botuara në “Analet e Mjekësisë së Brendshme” kanë arritur në përfundimin se ky efekt mbrojtës të shfaqet tek pas dy dekatave pas lindjes, transmeton GazetaShneta.
Hulumtuesit analizuan të dhënat nga 15 studime për të shqyrtuar rrezikun e kancerit të gjirit në lidhje me lindjen e kohëve të fundit, shkruan “HealthLine”.
Ata thanë se duke krahasuar gratë e të njëjtës moshë që kurrë nuk kishin fëmijë, gratë që kishin lindur ishin në një rrezik në rritje për kancerin e gjirit.
Ky rrezik arriti kulmin pesë vjet pas lindjes dhe vazhdoi 24 vjet pas lindjes, ndërsa ushqyerja me gji nuk u konsiderua për të evituar rrezikun. Por studiuesit thonë se kjo nuk paraqet ndonjë shqetësim të madh për gratë.
“Rreziku i përgjithshëm i kancerit të gjirit është i ulët gjatë viteve riprodhuese dhe, edhe me këtë rritje, rreziku është ende i ulët në mesin e grave që kanë patur fëmijë kohët e fundit”, ka thënë Hazel Nichols, doktor i shkencës dhe anëtar i Universitetit të Karolinës së Veriut Lineberger.
Kanceri i gjirit është më i zakonshëm në gratë e moshuara, me 80 për qind të diagnozave të kancerit të gjirit në Shtetet e Bashkuara që janë në moshën 50 vjeç e lart. Mosha mesatare e diagnozës është 62.
Ka pasur studime të tjera që tregojnë një rrezik në rritje të kancerit të gjirit për gratë e reja pas lindjes së fëmijës. Megjithatë, këto studime nuk kanë pasur qasje në informacione të mëtejshme mbi faktorët që mund të ndikojnë në këtë rrezik, siç është historia familjare e kancerit të gjirit ose nëse një grua ushqehet me gji./GazetaShneta/