Karakteristikat e periudhës neonatale dhe komplikimet që mund të ndodhin gjatë kësaj faze

2021-06-10 në ora 19:45

Periudha neonatale i referohet katër javëve të para të jetës së foshnjes suaj.Kjo periudhë konsiderohet të jetë edhe me komplikime pas lindjes.

Periudha neonatale karakterizohet me observimin e gjendjes shëndetësore të foshnjes që nga orët e para të jetës shkruan VeryWellFamily, transmeton Gazeta Shneta.

Mësoni më shumë rreth komplikimeve gjatë shtatzënisë KËTU

Kjo periudhë është veçanërisht e rëndësishme për foshnjet që lindin parakohe apo te foshnjet, nënat e të cilëve kanë pasur ndërlikime gjatë lindjes.

Menjëherë pas lindjes, profesionistët shëndetësorë kontrollojnë shëndetin e përgjithshëm të foshnjes duke u bazuar në ngjyrën, rrahjet e zemrës, reflekset, tonin e muskujve dhe frymëmarrjen.

Rezultatet shtohen në secilën kategori dhe rivlerësohen çdo pesë minuta në 20 minutat e para të jetës së foshnjes.

Në rast se, foshnja ka rezultate të ulëta apo probleme në zonat e lartpërmendura, mjeku juaj rekomandon kujdes shtesë për foshnjen.

Komplikimet

Periudha neonatale është një nga periudhat më të vështira për t’u tejkaluar.Në të gjithë botën, 2.4 milionë foshnje kanë vdekur në muajin e parë të jetës së tyre në vitin 2019.

Fatmirësisht, shkalla e vdekjes së foshnjeve ka rënë në dekadat e fundit, por ndërlikimet gjatë shtatzënisë mbeten të konsiderueshme.

Ndër komplikimet që përfshin procesi i lindjes dhe periudha neonatale janë:

-Lëndime gjatë lindjes;

-Probleme me frymëmarrjen;

-Infeksion;

-Verdhëz;

-Pesha e ulët e foshnjes;

-Sheqeri i ulët në gjak;

-Vështirësi në të ushqyerit;

-Pneumonia;

-Problemet në kontrollimin e temperaturës;

-Vonesa në zhvillim;

-Probleme në shikim dhe dëgjim

Foshnjet që kanë nevojë për trajtim shtesë rekomandohet të marrin trajtimin në një njësi të kujdesit intensiv neonatal pas lindjes./GazetaShneta/