Ashtu sikurse gjatë shtatzënisë, kujdesi ndaj vetes duhet fokusuar edhe pas lindjes.
Kjo do të thotë se edhe pas lindjes duhet të bëni kujdes në disa gjëra, e shpesh në disa raste duhet shmangur shkruan Healthline, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Mos injoroni dhimbjet
Shumë gra pas lindjes kanë një nivel të dhimbjeve pas lindjes, por që lloji dhe kohëzgjatja mund të ndryshojë. Ndër simptomat që konsiderohen normale përfshijnë: dhimbje në zonën mes vaginës dhe anusit tuaj, dhimbje në ose rreth prerjes suaj, dhimbje nga fryrja ose ënjtja e gjinjve.
Mirëpo, nëse keni këto dhimbje, atëherë ju duhet të kontaktoni mjekun tuaj:
-Dhimbje koke, që nuk lehtësohen;
-Ethe;
-Dhimbje gjatë urinimit;
-Gjakderdhje e madhe;
-Shkarkim me erë të keqe;
-Dhimbje nga ënjtja në këmbë;
-Dhimbje gjoksi dhe vështirësi në frymëmarrje;
Mos i mbani të fshehura shqetësimet e juaja
Është krejtësisht normale që pas lindjes të keni shqetësime apo të mos ndiheni vetvetja. Kjo pasi 1 në 5 persona mund të përjetojnë depresion pas lindjes.
Simptomat që përfshin depresioni pas lindjes janë:
-qarja;
-ndiheni e zemëruar;
-ndiheni e tërhequr nga familja;
-dyshoni në veten tuaj për sigurinë e foshnjes suaj;
Mos e nënvlerësoni nevojën tuaj për mbështetjen e familjarëve apo miqve
Studiuesit kanë zbuluar se mbështetja sociale në periudhën pas lindjes mund t’ju ndihmojë në uljen e shkallës së depresionit.
Mos e neglizhoni ushqimin tuaj
Edhe pse kujdesi ndaj foshnjes është prioritet për juaj, ju duhet t’i kushtoni rëndësi edhe ushqimit tuaj. Nëse jeni nënë gjidhënëse, trupi juaj ka nevojë për 450 deri në 500 kalori shtesë në ditë për të mbështetur prodhimin e qumështit.
Mundohuni të konsumoni ushqime të freskëta, perime, drithëra dhe përpiquni të qëndroni të hidratuar./Gazeta Shneta/