Studimet sugjerojnë se niveli i stresit të gruas gjatë kohës që ajo është shtatzënë lidhet ngushtë me mënyrën se si fëmija i saj do t’i përgjigjet stresit rreth një dekadë më vonë.
Hulumtimet që zgjatën më shumë se një dekadë gjetën një lidhje midis nivelit të stresit të gruas në kohën kur ajo e konceptohet dhe se si ky fëmijë merret me stresin në vitet e adoleshencës.
Hulumtimi u realizua nga një një profesor i shkencave shëndetësore në Simon Fraser University në Kanada. Në këtë studim morën pjesë më shumë se 100 gra, duke mbledhur mostra të urinës përgjatë një viti për t’i monitoruar nga afër hormonet dhe nivelet e kortizolit, transmeton Gazeta Shneta.
Hormonet në mostrën e urinës ndihmuan atë dhe ekipin e tij të shënonin ditën kur një grua ngjizet. Rreth 11 vjet më vonë, ekipi i studiuesve i kërkoi grave që kishin lindur, nëse nivelet e stresit të fëmijëve të tyre mund të monitoroheshin.
Sipas studimit të publikuar, hulumtuesit zbuluan nivelet e kortizolit të fëmijëve në dy kohë të ndryshme: së pari në fillim të vitit shkollor – një ngjarje që ata konsideronin si një stres natyror për shumicën e fëmijëve. Pastaj, ata gjetën nivelet e kortizolit kur fëmijët morën pjesë në një sfidë për të folur në publik.
Nivelet e kortizolit të fëmijëve gjatë të dy rasteve lidhen me stresin e nënës së tyre. Përgjigjet e tyre për të dyja ngjarjet ishin “të lidhura me aktivitetin e stresit të nënave të tyre në tetë javët e para pas konceptimit të tyre”, tregon profesori.
Në këtë mënyrë çdo nënë duhet të jetë e lumtur gjatë shtatzënisë, çka konsiderohet një fillim i mbarë që fëmija të rritet i lumtur gjatë viteve të para të jetës së tij./Gazeta Shneta/