Këtë test të shtatzënisë, asnjë grua nuk do të dëshironte ta humbiste!

2017-05-15 në ora 13:28

Keni arritur në javën tuaj të 36-të? Gjithçka që duhet të bëni është të qëndroni duar kryq dhe këmbë mbi këmbë dhe të prisni për shtatzëninë tuaj? Jo tamam. Së pari, a e dini se cili është statusi i grupit B?

“Është jashtëzakonisht e rëndësishme që çdo grua shtatzënë të di statusin e saj të grupit B para se të fillojë të lind”, thotë Randy Fink, M.D., një mjek në praktikë private në Miami. “Nëse mjeku juaj nuk ju teston, shkoni tek dikush që do e bëj.”, transmeton Gazeta Shneta.

Çfarë është grupi B strep?

Grupi B strep-i njohur gjithashtu si GBS, beta strep, ose, më formalisht, streptokokti i grupit B është një bakter shumë i zakonshëm që gjendet në vaginë ose zorrët e poshtme të shumë grave. “Më pëlqen të theksoj se një rezultat i testit pozitiv është ekstremisht i zakonshëm,” thotë Fink.

“Për fat të keq, kur pacientet dëgjojnë se rezultojnë pozitivisht, ato mendojnë se kanë kontraktuar një sëmundje të tmerrshme. Është thjeshtë bakterie.”, vazhdon Fink.

“Nuk konsiderohet një sëmundje seksualisht e transmetueshme, megjithëse është e zakonshme në njerëzit seksualisht aktivë.”

Dhe edhe nëse testoni pozitivisht, nuk jeni të sëmurë. “Grupi B strep nuk është një infeksion”, thotë Ralph Dauterive, M.D., kryetar i obstetrikës dhe gjinekologjisë në Klinikën e Ochsner-it. Por nëse nuk jeni e sëmurë, përse duhet të jetë statusi juaj kaq i rëndësishëm? A keni nevojë vërtet për një test tjetër të shtatzënisë kaq vonë në lojë?

Përgjigjja është një po. “Problemi nuk është bakteret,” shpjegon Fink. “Problemi është rreziku i lidhur me bakteret”. Ky rrezik është sëmundja e grupit B – shkaku më i zakonshëm i infeksioneve kërcënuese për jetën tek të sapolindurit, sipas Qendrave për Kontrollin dhe Parandalimin e Sëmundjeve (CDC).

Si mund të ndikojë tek fëmija im?

Nëse një nënë teston pozitiv për streptën e grupit B, foshnja e saj mund të ekspozohet ndaj baktereve ndërsa kalon nëpër kanalin e lindjes. Ekspozimi mund të rezultojë në një nga dy lloje të sëmundjes së grupit B. “Sëmundja e hershme”, që ndodh brenda javës së parë të jetës dhe shpesh është e dukshme brenda orëve të para jashtë mitrës. Bebet me sëmundje të hershme mund të zhvillojnë një sërë sëmundjesh, duke përfshirë pneumoninë, ndonjë një infeksion gjaku dhe meningjitin.

Testimi dhe trajtimi

Për fat të mirë, testimi për grupin B strep është i lehtë. “Është thjesht një pastrim i vaginës, perineumit dhe zonës së zorrës së trashë, e bërë në 35-37 javë të shtatzënisë”, thotë Fink. Shumica e ofruesve të kujdesit do të kenë rezultatet tuaja para vizitës tuaj të ardhshme. Procedura është relativisht pa dhimbje dhe njohja e rezultatit është e rëndësishme për nënën dhe fëmijën.

Nëse rezultatet janë pozitive, nuk ka nevojë për shqetësim. Ju do të merrni një antibiotik gjatë lindjes. “Tri doza e penicilines ose një antibiotik i ngjashëm para lindjes së foshnjës është ideal”, thotë Dauterive.

Po në lidhje me lindjet cezariane?

“Për fat të keq, një lindje cezariane nuk e çrrënjos plotësisht rrezikun e streptës së grupit B”, thotë Randy Fink, MD “Ndonjëherë bakteret mund të transportohen deri në zgavrën vaginale, veçanërisht nëse kanë plasur ujërat.” Nëse një lindje cezariane Është e nevojshme për lindje të sigurt, ju do të merrni sërish penicilinë ose antibiotikë të tjerë nëse jeni testuar pozitiv për GBS./Gazeta Shneta/