Përgjatë procesit të gjidhënies nuk egizston ndonjë arsyje për të shmangur ndonjë ushqim.
Meqenëse ushqimet që nëna konsumon do të përmbajë dietën e fëmijës suaj, gjithashtu këto ushqime kanë aftësinë që të ndikojnë në preferencat e foshnjes suaj në periudhat e mëtejshme të zhvillimit shkruan VeryWellFamily, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Ndryshimi i dietës suaj nga shtatzënia te gjidhënia tashmë mund të ketë ndryshuar.Shtimi i vakteve, ulja e sasisë së kafeinës, ngrënia e ushqimeve më ushqyese, marrja e vitaminave para lindjes dhe shtimi i kalorive në ditë janë disa nga ndryshimet e juaja.
Sipas Qendrave për Kontrollin dhe Parandalimin e Sëmundjeve (CDC), gratë gjidhënëse duhet të konsumojnë rreth 2,300 deri në 2,500 kalori në ditë.
Këto kalori padyshim se do të ndikojnë në prodhimin e qumështit të gjirit, andaj kjo është edhe një nga arsyjet pse gratë humbin peshë pas lindjes.
Çfarë duhet të konsumoni gjatë procesit të gjidhënies?
Disa nga lëndët ushqyese që mbështesin rritjen dhe zhvillimin e foshnjes suaj janë:
Kalciumi: ndihmon në zhvillimin e kockave dhe formimin e dhëmbëve të shëndetshëm.Produktet e qumështit, perimet e gjelbërta, salmoni janë burime të mira të kalciumit.
Folati: ndihmon në parandalimin e defekteve të tubit nervor dhe promovon zhvillimin e trurit dhe sistemit nervor.Burimet më të mira të folat janë fasulet, agrumet, perimet e gjelbërta dhe drithërat.
Jodi: ndihmon në funksionimin e tiroides.
Hekuri: mundëson prodhimin e qelizave të kuqe të gjakut dhe transportimin e oksigjenit në gjithë trupin.Burimet më të mira të hekurit janë mishi, peshku, fasulet, arrat, vezët dhe drithërat.
Acidet yndyrore: mbështesin zhvillimin e trurit dhe syve të foshnjes suaj.Acidet yndyrore mund t’i gjeni te salmoni dhe vezët.
Proteina: ndërton dhe mban në formë pjesët e trupit si muskujt, truri, kockat, zemrën, mushkërite, hormonet dhe antitrupat.Produktet e qumështit, fasulet, arrat, farat, perimet dhe drithërat janë burime të mirë të proteinave.
Vitamina A: luan rol në zhvillimin e syve dhe lëkurës.
Vitamina C: ndihmon në zhvillimin e kockave, dhëmbëve, ligamenteve dhe enëve të gjakut.Poashtu i ndihmon trupit të thithë hekurin dhe të parandalojë infeksionet.
Vitamina D: benefitet e saj janë të ngjashme me vitaminën C.Mes tjerash, vitamina D mund ta gjeni tek peshqit, e verdha e vëzes, drithëra, lëngu i portokallit, qumësht dhe jogurt.
Zinku: ndihmon në sintezën e proteinave, shërimin e plagëve dhe sistemin imunitar.Mishi, produktet e detit, produktet e qumështit, perimet, arrat, fasulet janë burime të mira të zinkut./GazetaShneta/