Një nënë ka treguar një metodë më të lehtë për dhënien e ilaçit foshnjave, metodë kjo e cila është publikuar në profilin e saj në rrjetin social ‘Facebook’.
Metoda e saj ka ngazëllyer prindërit në gjithë botën, duke u shprehur falënderues nëpër komente.
Kur i biri i saj është sëmurë dhe i është dashur patjetër të marrë ilaç, Helena Lee ka pasur problem që t’ia japë bebes këtë ilaç, pa e nxjerrë jashtë nga goja.
Pas disa përpjekjeve të pasuksesshme, ajo ka gjetur mënyrën e duhur. Ajo ka arritur të fut shiringën në biberonin e fëmijës, transmeton Telegrafi.
“Për të gjitha nënat… 24 orët e fundit jam munduar se si ta detyroj Alfin që të marrë Calpol (paracetamol), dhe ka përfunduar ashtu që pothuajse gjysmën e dozës e pështyrë nëpër trupin e tij.
…Pastaj m’u kujtua që e kam parë diku këtë mënyrë. Sa herë provoja t’ia jepja ilaçin, qante pa lot! Ju lutem, lirisht këtë ndajeni me nënat e bebeve të tjera të cilat i njihni”, ka shkruar e ëma e Alfit pranë fotografisë.
Pasi që ka publikuar fotografinë në të cilën shihet duke ia dhënë bebes ilaçin, kjo mënyrë u bë virale, ndërkaq prindërit e gjithë botës i kanë dërguar komplimente, por edhe i janë falënderuar.