Pasi keni kaluar nëntë muaj, lindja mund të jetë një proces normal, mirëpo disa nëna mund të përjetojnë shqetësime pas këtyre ndryshimeve.
“Tani që keni një fëmijë për t’u kujdesur, ju duhet të kujdeseni edhe më mirë për veten tuaj,” thotë Dr. Judith Reichman, gjinekologe në Qendrën Mjekësore Cedars-Sinai në Los Angeles.
Pasojat e anashkalimit të takimeve tuaja pas lindjes mund të jenë serioze: shërim jo i plotë, një shtatzëni e padëshiruar, një infeksion i anashkaluar, depresion i padiagnostikuar pas lindjes dhe më shumë, shkruan burimi The Bump transmeton Gazeta Shneta.
Kur duhet të planifikoni kontrollet dhe testet pas lindjes së fëmijës?
Në të kaluarën, gratë zakonisht merrni ndonjë ekzaminim pas lindjes katër ose gjashtë javësh, por Kolegji Amerikan i Obstetërve dhe Gjinekologëve (ACOG), përditësoi udhëzimet e tyre vitet e fundit.
Organizata tani rekomandon që takimet të kryhen brenda tre javëve të para pas lindjes.
“Ky vlerësim fillestar duhet të ndiqet me kujdes të vazhdueshëm sipas nevojës, duke përfunduar me një vizitë gjithëpërfshirëse pas lindjes jo më vonë se 12 javë” thotë ACOG.
Çfarë ndodh në kontrollin tuaj pas lindjes?
Egzaminimi juaj pas lindjes do të kryhet nga një obstetër ose nga mamia.
Mjeku juaj do të shikojë pikat e mëposhtme, por mbani mend se çdo mjek dhe pacient është i ndryshëm.
Prerja juaj
Nëse keni pasur një epiziotomi ose çarje gjatë lindjes vaginale, “kontrollimi i asaj prerjeje është gjëja e parë në listën e mjekut tuaj,” thotë Dr. Siobhan Dolan, nga Nju Jork.
Ata do të vëzhgojnë organet tuaja gjenitale të jashtme për t’u siguruar që jeni duke u shëruar mirë dhe gjithashtu do të përdorin një spekulum për të kontrolluar nga brenda.
Shumica e problemeve të prerjes ndodhin brenda 10 ditëve nga lindja, sipas infermierës dhe mamisë Tekoa King, nga San Francisko.
Nëse në çdo kohë pas lindjes vëreni skuqje të pazakontë, dhimbje ose lëngje që vijnë nga një prerje, kontaktoni mjekun tuaj – nuk ka nevojë të prisni deri në një takim të planifikuar.
Mitra juaj, vezoret dhe qafa e mitrës
Prisni një ekzaminim tjetër të legenit, por kjo ka një kthesë – mjeku juaj po sigurohet që organet tuaja riprodhuese po kthehen në gjendjen e tyre para shtatzënisë (çuditërisht, mitra juaj do të zvogëlohet në madhësinë e një grushti).
Ata gjithashtu do të kontrollojnë mitrën tuaj për ndjeshmëri dhe shenja të tjera infeksioni. Dhe meqenëse ky kontroll llogaritet për ekzaminimin tuaj vjetor, mjeku juaj do të realizon një pap test për të kontrolluar qelizat anormale të qafës së mitrës.
Për të mësuar më shumë rreth komplikimeve të shtatzënisë KLIKO KËTU.
Gjinjtë tuaj
Gjinjtë tuaj kalojnë shumë ndryshime gjatë shtatzënisë dhe pas lindjes; është e rëndësishme që mjeku juaj të mbajë shënim se çfarë është normale dhe çfarë jo.
Së pari, mjeku juaj do të realizojë një ekzaminim për kanalet e bllokuara të qumështit, të cilat ndjehen si nyje të vogla.
Sipas Dr. Dolan, këto mund të zhvillohen në mastit, një infeksion që ndodh kur bakteret bllokohen në një kanal qumështi.
Nëse e keni atë, zona përreth infeksionit bëhet e kuqe dhe gjithashtu mund të zhvilloni simptoma të ngjashme me gripin, si ethe dhe dhimbje trupi.
Mastiti mund të ndodhë në çdo kohë pas lindjes, prandaj raportoni çdo dhimbje gjoksi te mjeku ose mamia juaj.
Një antibiotik që është i sigurt për nënat gjidhënëse mund të pastrojë infeksionin. Mjeku juaj do të kontrollojë gjithashtu gjoksin tuaj për gunga ose masa.
“Është e rëndësishme që mjeku juaj të kontrollojë manualisht tiroiden tuaj, një gjëndër në formë fluture në qafën tuaj që është shumë aktive në prodhimin e hormoneve gjatë shtatzënisë, për t’u siguruar që është një madhësi normale,” sipas mamisë King.
Gratë me kushte të veçanta shëndetësore gjatë shtatzënisë ka të ngjarë të kenë nevojë për kujdes pasues.
Për shembull, nëse keni pasur diabet gestacional, mjeku juaj mund të kontrollojë sheqerin në gjak dhe të sugjerojë vazhdimin e trajtimit me ilaçe ose një regjim diete nëse problemi vazhdon.
Së fundi, mjeku juaj do të sigurohet që të jeni të përditësuar për të gjitha vaksinimet e rekomanduara.
Shëndeti juaj mendor
Vlerësimi i mirëqenies tuaj emocionale në një kontroll pas lindjes është po aq jetik sa kontrolli i shëndetit tuaj fizik, thonë ekspertët.
“Është e rëndësishme për mirëqenien e të gjithëve që të flasim për mënyrën se si po shkon prindërimi”, thotë Dr. Dolan.
Ju gjithashtu mund t’i nënshtroheni ekzaminimit për depresion pas lindjes.
“Është një nga gjërat më të rëndësishme që duhet kërkuar në këtë kontroll dhe është një problem i zakonshëm”, thotë mamisë King.
Një në tetë nëna që lindin mund të përjetojnë depresion në periudhën pas lindjes, sipas Qendrave për Kontrollin dhe Parandalimin e Sëmundjeve (CDC).
Është e rëndësishme të diskutoni çdo simptomë me mjekun tuaj, duke përfshirë ndjenjat e ankthit, trishtimit, mpirjes ose zemërimit.
Planifikimi familjar
Një tjetër temë e bisedës pas lindjes do të jetë kontracepsioni.
“Një nga pjesët më të rëndësishme të këtij kontrolli është planifikimi familjar. Është e mundur të mbeteni shtatzënë menjëherë pas lindjes,” thotë infermiere Margaret Comerford Freda nga Neë York City.
Ju mund të dëshironi të ndryshoni tërësisht metodat e kontracepsionit hormonal; ajo që ka punuar për ju më parë mund të mos i përshtatet jetës suaj të re. /Gazeta Shneta/