Mamia Razije Musa, ka ndarë më nënat këshillën e radhës në lidhje me rëndësinë e hekurit në zhvillimin e fëmijëve.
Në rrjetin e saj “Facebook”, mamia ka treguar se mungesa e hekurit tek fëmija shfaqet me këto shenja: ka më pak apetit, fiton peshë më pak, janë pasiv, kryesisht nervoz dhe sytë janë me rrathë shkruan GazetaShneta.
Për gjashtë muajt e parë të jetës, bebi ka siguruar mjaftueshëm rezerva të hekurit nga nënë gjata shtatzënisë, por me fillimin e konsumimi të ushqimeve fillon nevoja për të pasur hekur më shumë.
“Mishi është burim i mirë i hekurit, vezët gjithashtu por e bardha e vezës nuk preferohet të jepet para moshës 1 vjecare sepse është alergjen i fortë.Peshku është një burim tjetër i rëndësishëm i hekurit, mishi i pulës poashtu, rëndësi ka që dieta e fëmijëve të jetë e pasur edhe me drithëra që në përmbajtje kanë hekur. Dieta me pemë e perime ka shumë rëndësi, ushqimet si brokolli e spinaqi kanë mjaftueshëm hekur dhe kontribojnë në zhvillimin normal të organizmit të bebes me sasi të mjaftueshme të hekurit.”, shtoi ajo.
Në fund, mamia sugjeron nënat që fëmijët të ushqehen shëndetshëm, të dalin në natyrë, të ekspozohen në rrezet e hershme të diellit, sepse janë ndër faktorët kryesor për një jetesë të shëndetëshme./GazetaShneta/