Ndryshimet hormonale që pëson trupi i gruas gjatë shtatzënisë shoqërohen me sërë efektesh.
Rritja e nivelit të estrogjenit përgjatë 9 muajve do t’i japë lëkurës një shkëlqim dhe flokëve volum, por pas ardhjes në jetë të foshnjes, do të filloni të keni probleme me dhëmbët, do t’ju bien flokët dhe lëkura nuk do të jetë aq elastike sa më parë.
Çfarë mund të cilësohet edhe më shqetësuese për humbjen e flokëve pas lindjes është se shumicën e flokëve i humbisni në pjesën e vijës së parë të kokës.
Gjithsesi, Living ka përgatitur tri maska që do të mundësojnë rritjen e flokëve dhe parandalimin e rënies pas lindjes.
Qumesht kokosi
Ajo që duhet të bëni është të lagni flokët me qumësht kokosi 2 deri në 3 herë në javë për 20 minuta. Mbajini flokët mbështjellë me një kapuç dushi e më pas shpëlajini normalisht.
Vezë
Rrihini një vezë dhe këtë të fundit pa e përzierë me asgjë aplikojeni direkt në skalpin e kokës dhe në të gjithë gjatësinë e flokut. Lëndët ushqyese dhe proteinat e gjendura në vezë do të ushqejnë folikulat e rrënjëve duke promovuar rritjen e flokëve.
Aloe Vera
Xhelin e aloe verës mund ta konsumoni të tretur në ujë ose me të , të lyeni flokët. Enzimat e kësaj bime do të ushqejnë folikulat e flokëve ,duke i bërë më të forta dhe me shkëlqim.
Përfshirja e frutave, perimeve, drithrave dhe mishit të bardhë në dietën tuaj të përditshme do ju sigurojë të gjitha vlerat ushqyese thelbësore për shëndetin e flokëve si si bakër, magnez, hekur, zink, selen dhe vitamina A, B (sidomos biotin!), C dhe E .