Mbi 160 mijë të vaksinuar, 170 raste aktive me Covid-19 në Kosovë

2021-06-29 në ora 09:44

Në 24 orët e fundit në Kosovë janë vaksinuar 1365 persona me vaksinën kundër Covid-19.

Deri më tani numri i qytetarëve të imunizuar me dozën e parë ka arritur në mbi 160 mijë, ndërsa me dozën e dytë afër 33 mijë persona, shkruan Gazeta Shneta.

Ministri i Shëndetësisë Arben Vitia ka njoftuar mbrëmë se në Kosovë kanë mbërritur mbi 80 mijë vaksina Pfizer të blera nga Qeveria e Kosovës.

Këto doza janë në kuadër të kontratës me Pfizer, e cila deri në fund të vitit pritet të dorëzojë edhe mbi 1.1 milionë doza të tjera.

Në vendin tonë aktualisht janë 170 raste aktive me Covid-19. Deri më tani janë regjistruar afër 108 mijë raste pozitive dhe 2 mijë e 258 viktima. /Gazeta Shneta/