Mësojeni para se të lind nëse fëmija juaj do të jetë djathtak apo majtak, me këtë metodë

2018-01-05 në ora 22:30

Gjithmonë na është thënë se nuk mund ta dish me siguri të plotë nëse fëmija yt do të jetë djathtak apo majtak derisa ata të lindin, ndonëse preferencat mund të shihen tek foshnjat deri në gjashtë muaj. E pra, një studim i kohëve të fundit i botuar në revistën ‘Elife’, mund ta ketë ndryshuar këtë.
Një ekip hulumtuesish nga Holanda dhe Afrika e Jugut analizoi shprehjen e gjeneve në palcë kurrizore gjatë javës së tetë deri në të dymbëdhjetën të shtatzënisë dhe zbuloi dallimet djathtë-majtë në javën e tetë në pjesët e kurrizit që kontrollojnë lëvizjet e krahëve dhe këmbëve.

Ky studim forcon atë që studiuesit kishin gjetur në një studim të ultrazërit nga vitet 1980.

Studimet zbuluan se foshnjat në mitër tregojnë një preferencë për të thithur ose gishtin e tyre të djathtë ose të majtë dhe kjo mund të shihet në skanime në javën e 13-të.

Ndërsa faktorët e mjedisit jashtë barkut mund të luajnë një rol në preferencën e duarve pas lindjes së foshnjës dhe ky studim ishte i vogël dhe ende në fazat e hershme të vërtetimit të hipotezës, është interesante të mësojmë rreth shenjave të vogla që mund të na tregojë fëmija ynë./Gazeta Shneta/