Mjeku i Javës kësaj radhe është përzgjedhur gastroenterologu Arbër Veliu, i cili punon në Klinikën e Gastroenterologjisë në Qendrën Klinike Universitare të Kosovës.
Veliu sipas raportit të performancës së tij brenda javës ka kryer 35 endoskopi diagnostike. Këto të dhëna janë siguruar nga drejtoresha e Klinikës Dr. Fitore Komoni, shkruan Gazeta Shneta.
Veliu është mjek specialist- Gastroenterolog- aktualisht u.d.Shef i Njesise se Endoskopise ne Kliniken e Gastroenterologjise me Hepatologji
Ai ka studiuar në Fakultetin e Mjekësisë në Universitetin e Prishtinës.
Më pastaj ka vazhduar avancimin profesional në Qendrën Universitare Spitalore “Nëna Terezë” në Tiranë , specializimin pasuniversitar kater vjecar ne degen e Gastroenterologjisë dhe Hepatologjisë me Shef prof Dr. Bashkim Resulin.
Pas përfundimit të specializimit dr. Arbër Veliu në vitin 2002-2003 ka qenë i perzgjedhur nga QKUK si Gastroenterolog për Trajnim ne ERCP ne në Riad të Arabisë Saudite, dhe pas kthimit se bashku me Prof Samedin Haxhijaha kanë kryer ERCP –të e para në QKUK-ë. Në Vitin 2004 ka filluar punën në Spitalin Universitar në Klinikën e Gastroenterologjisë.
Gjithashtu gjate kesaj periudhe ka bere shume trajnime per endoskopi intervente, ERCP dhe EUS jashtë vendit në SHBA dhe EUROPE. Ka bërë trajnim në Mayo Clinic Rochester Minnesota SHBA , në Masachusetts General Hospital, Harvard Medical School, Boston, në Hamburg-Eppendorf University Hospital Center në Hamburg , Gjermani ku mentor ka pasur Prof Nib Sohendra themeluesin e endoskopise intervente, Felloëship për endoskopi intervente nga ESGE në Amsterdam Medical Center(AMC), Amsterdam ,Holandë.
Dr.Veliu është nderuar me titullin ‘Felloë’ nga Shoqata Amerikane e Gastroenterologjisë. Titull ky që ndahet për herë të parë për një Gastroenterolog shqiptar.
Aktualisht është U.D Shef i endoskopisë në QKUK, Klinika e Gastroenterologjisë ku kryen shume procedura endoskopike diagnostike dhe terapeutike , dhe gatishmeri pas orarit te punes per endoskopi intervente urgjente per raste me gjakderdhje gastrointestinale, trupa te huaj etj.