Pengesa më e madhe për gratë e moshës 35-vjeç e sipër mund të jetë fillimi i shtatzënisë.
Shkalla e fertilitetit fillon të bjerë gradualisht në moshën 30-35 vjeçe, dhe më dukshëm në moshën 40- vjeçe.
Edhe me trajtimet e fertilitetit si fekondimi in vitro, gratë kanë më shumë vështirësi për të mbetur shtatzënë me kalimin e moshës, shkruan Baby Center përcjell Gazeta Shneta.
Nga ana tjetër, më shumë gra po lindin fëmijët e tyre në moshën jo të hershme në Shtetet e Bashkuara.
Përderisa, në vitin 1970, mosha mesatare për një nënë të herës së parë ishte rreth 21-vjeçe, në vitin 2008, mosha mesatare u rrit në 25 vjeç.
Në vitin 2008, kur numri dhe shkalla e lindjeve ra në të gjitha grupmoshat e tjera, shkalla e shtatzënisë për gratë në të 40-at u rrit me rreth 3 për qind (në shkallën më të lartë që nga viti 1967), dhe shkalla për gratë e moshës 45 – vjeç e sipër u rrit me 4 për qind.
Vlerësimi i infertilitetit rekomandohet përgjithësisht për gratë që kanë provuar për 12 muaj ose më gjatë.
Por nëse jeni 35- vjeç e sipër, mos prisni një vit të tërë. Merrni një vlerësim pas gjashtë muajsh, ose më herët nëse dyshoni se diçka mund të mos jetë në rregull – si p.sh. nëse periodat tuaja menstruale nuk janë të rregullta ose nëse keni pasur një operacion të mëparshëm abdominal.
Për të mësuar më shumë rreth komplikimeve të shtatzënisë KLIKO KËTU.
Pasi të mbeteni shtatzënë dhe të kaloni abortet spontane të tremujorit të parë, përballeni me një rrezik më të lartë për të ngjizur një fëmijë me një problem kromozomik. Ky rrezik rritet çdo vit.
Nëse mbeteni shtatzënë në moshën 25 vjeçe, rreziku për të pasur një fëmijë me sindromën Down, për shembull, është rreth 1 në 1250, sipas Institutit Kombëtar të Shëndetit. Në moshën 40-vjeçe, rreziku është 1 në 100.
Një këshilltar gjenetik mund t’ju ndihmojë të kuptoni rreziqet tuaja të veçanta dhe të vendosni nëse do të bëni teste gjenetike për të kontrolluar ose diagnostikuar problemet kromozomale ose defekte të tjera të lindjes.
Mbani në mend se çdo grua ka mundësi të ketë një fëmijë me probleme, pavarësisht nga mosha e saj.
Edhe pasi të mbeteni shtatzënë, mosha vazhdon të ketë efekt. Sa më e vjetër të jeni kur mbeteni shtatzënë, aq më shumë ka të ngjarë të keni një sëmundje kronike, si presioni i lartë i gjakut ose diabeti, që mund të jetë i padiagnostikuar dhe mund të ndikojë në shtatzëninë tuaj.
Ju jeni gjithashtu në rrezik më të lartë të zhvillimit të komplikimeve të caktuara gjatë shtatzënisë – të tilla si diabeti gestacional, preeklampsia, shkëputja e placentës (në të cilën placenta ndahet para kohe nga muri i mitrës) dhe placenta previa (në të cilën placenta shtrihet poshtë në mitër duke mbuluar pjesërisht ose plotësisht qafën e mitrës).
Hulumtimet tregojnë gjithashtu se shanset tuaja për të pasur një fëmijë me peshë të vogël ose një lindje të parakohshme rriten me moshën.
Nëse po mendoni të mbeteni shtatzënë, konsultohuni me mjekun ose maminë tuaj për një ekzaminim të plotë.
Profesionisti mjekësor do të marrë një histori të detajuar shëndetësore dhe familjare të të dy prindërve të ardhshëm për të identifikuar kushtet që mund të ndikojnë në shtatzëninë tuaj ose shanset tuaja për të mbetur shtatzënë.
Ju mund të menaxhoni shumë nga rreziqet e shtatzënisë në moshën 35 -vjeç e sipër duke parë rregullisht mjekun ose maminë tuaj për kujdes të mirë para lindjes. /Gazeta Shneta/