Foshnjet 6 deri në 18 muaj janë më të prirura të preken nga infeksioni i veshit të mesëm.
Sipas mjekëve sygjerohet që të pritet rreth 72 orë deri sa të merret vendimi nëse foshnja ka njëmend nevojë për antibiotik, apo gjithçka mund të rregullohet vetvetiu, transmeton GazetaShneta.
Shpesh na rastis të lexojmë artikuj të ndryshëm që rekomandojnë mënyrë të llojllojshme për të shëruar infeksionin e veshëve të fëmijëve. Por sa nga këto mënyra me të vërtetë janë efektive?
Një nga sygjerimet e tilla është edhe qumështi i gjirit. besohet se ky lloj qumështi mund të qetësojë irritimin në vesh por edhe ti ndalojë dhimbjet, përcjellë “Wiki How”.
Një efekt i tillë mund të ndodhë vetëm nëse fëmija ka infeksion në veshin e tij të jashtëm, kështu qumështi do të arrijë te depërtojë aty dhe të përmirësojë gjendjen.
Por duhet patur tejet shumë kujdes pasi që duke tentuar të shëroni veshin ju po rrezikoni të përhapni më shumë baktere.
Ndonëse nxehtësia e qumështit arrin që ta ndalojnë përkohësisht dhimbjen nga infeksioni, në anën tjeter ai qumësht do të qëndrojë ende në vesh, duke tërhqeur kështu shumë mikrobe të cilat vetëm se do e përkeqësojnë gjendjen infektive.
Ndërsa për infeksionin e veshit të mesëm rekomnadohet të mos eksperimentoni me metoda popullore si kjo e lartëpërmendura pasiqë nuk do rezultojnë të suksesshme, përkundrazi!
Për këtë arsye, zgjedhja më e mirë që mund të bëni për shëndetin e fëmijës është që të konsultoheni me ndonjë mjek në ambulantën afër shtëpisë. Mjeku do ta dijë më së miri se çfarë lloj trajtimi i duhet foshnjes tuaj. /GazetaShneta/