Gratë humbin një pjesë të forcës së kockave të tyre gjatë ushqyerjes me gji, ngase ndajnë një pjesë të kalciumit tek foshnja e tyre.
Gjatë gji dhëniës dhe në çdo kohë gjatë jetës së një gruaje, është e rëndësishme vazhdimi konsumit të ushqimeve me përmbajtje kalciumi
Sasia e rekomanduar e kalçiumit për të gjitha gratë e moshave 19 dhe 50 vjeç (shtatzënë, jo shtatzënë ose duke ushqyer me gji) është 1,000 mg në ditë.
Megjithëse sasia e kalçiumit të absorbuar nga ushqimet zvogëlohet me kohën, ajo rritet gjatë shtatzënisë.
Kalçiumi gjendet natyrshëm në një shumëllojshmëri ushqimesh dhe absorbohet më së miri nga qumështi, kosi dhe djathi. Një filxhan kosi ka rreth 400 ose më shumë miligramë kalçiumi; një filxhan qumështi ka rreth 300 miligramë kalçiumi.
Burime të tjera të mira të kalçiumit përfshijnë peshkun; perime të tilla si lakër brukseli; brokoli. Kalçiumi gjendet edhe në lëngun e portokallit, bukë etj. Nëse nuk konsumoni mjaftueshëm ushqime që ju sigurojnë kalcium, mund ta merrni shtesë në formë suplementi.
Edhe pse kalciumi është kyç për shëndetin e kockave dhe dhëmbëve, ai nuk funksionon i vetëm. Vitamina D dhe fosfori janë gjithashtu shumë të rëndësishme.
Burimet e vitaminës D përfshijnë rrezet e diellit dhe ushqimet si salmoni, sardelet, tonin, qumështin, vezët.
Sasia e nevojshme e fosforit është 700 mg/ditë. Burimet e fosforit përfshijnë mishin, shpendët, peshkun, vezët, produktet e qumështit; arra dhe bishtajore.