Shumë gra përfundojnë duke u mbështetur në disa narkotikë për lehtësimin e dhimbjeve gjatë lindjes.
Ndërsa përgatiteni për lindje, është e rëndësishme të njiheni me ilaçet kundër dhimbjes që janë në dispozicion, mënyrën e funksionimit të tyre si dhe rreziqet dhe përfitimet prej tyre shkruan American Pregnancy Association, përcjell Gazeta Shneta.
Metoda që zgjidhni për lehtësimin e dhimbjes do të varet nga preferenca juaj personale, rekomandimi i ofruesit të kujdesit shëndetësor dhe disponueshmëria e ilaçeve në institucionin tuaj të lindjes.
Opiatet janë një lloj analgjeziku që jepen për të lehtësuar dhimbjen. Kur përdoren gjatë lindjes, opiatet konsiderohen si opsioni i parë pas metodave natyrore për lehtësimin e dhimbjeve të tilla si lindja në ujë, frymëmarrja e thellë dhe masazhi.
Për të mësuar më shumë rreth komplikimeve të shtatëzanisë KLIKO KËTU.
Poashtu, opiatet jepen në doza të vogla dhe administrohen zakonisht gjatë fazave të hershme të lindjes në përpjekje për të shmangur efektet anësore të mundshme si për nënën ashtu edhe për foshnjën.
Përderisa, opiatet mund të ndihmojnë në uljen e ankthit dhe të përmirësojnë aftësinë e nënës për të përballuar kontraktimet e dhimbshme në anën tjetër, efektet anësore më të shpeshta të këtij grupacionit janë: të përziera, vjellje, kruarje, marramendje, ulja e lëvizshmërisë gastrike, hipoksi për shkak të deprimimit të frymëmarrjes.
Ndër të tjera, këto substanca mund të kenë ndikim dhe tek fëmija pasi kalojnë barrierën placentare duke shkaktuar: deprimim të sistemit nervor qendror dhe të frymëmarrjes, sjellje neurologjike të ndryshuara dhe zvogëlim të aftësisë për të rregulluar temperaturën e trupit.
Medikamentet narkotike që përdoren më shpesh janë: Morfina, Stadol, Fentanil, Nubain dhe Demerol.
Këto barna mund të administrohen në cilindo nga mënyrat e mëposhtme:
– Një injeksion shtyllën kurrizore ose
– IV, vendosja intravenoze në një venë në pjesën e pasme të dorës ose krahut. /Gazeta Shneta/