Ju keni nevojë për më shumë hekur në gjakun tuaj gjatë shtatzënisë për të mbajtur nivelet tuaja të energjisë lart.
Sigurohuni që të hani shumë ushqime të pasura me hekur për të maksimizuar përthithjen e hekurit gjatë shtatzënisë, shkruan Ask Dr. Sears përcjell Gazeta Shneta.
– Hani ushqime që rritin hekurin
Ushqimet me përmbajtje të lartë të vitaminës C (agrume, luleshtrydhe, piper jeshil, kivi), kur hahen së bashku me ushqime që përmbajnë hekur, rrisin përthithjen e hekurit në shtatzëni.
Qumështi, çaji, kafeja dhe antacidet pengojnë përthithjen e hekurit.
Për të mësuar më shumë rreth komplikimeve të shtatzënisë KLIKO KËTU.
– Merrni parasysh mitet rreth hekurit
E mbani mend kur nëna juaj ju detyroi të hani spinaqin tuaj?
Po, spinaqi është i pasur me hekur, por pjesa më e madhe e tij nuk mund të përthithet nga zorrët e njeriut.
Ka ushqime të tjera si ky, që përmbajnë shumë hekur që nuk absorbohet.
Shifrat duken të mira në letër, por kjo është gjithçka – “hekur letre”. Hekuri që gjendet në perime dhe në të verdhën e vezës, për shembull, nuk absorbohet mirë.
– Lexoni etiketat
Sasia e “hekurit” e shënuar në një etiketë ushqimore mund të jetë mashtruese. Më i rëndësishëm nga pikëpamja ushqyese është “hekuri elementar”, që do të thotë sasia e hekurit që është në dispozicion për përthithje.
– Zgjidhni nga ushqimet e pasura me hekur
Këto ushqime përfshijnë mëlçinë, viçin, sardelet, tonin, molusqet, karkalecat, kajsitë, fiqtë, pjeshkët, rrushin e thatë, bukën, drithërat, makarona, arra, thjerrëzat, bizelet, patate dhe maja e birrës. /Gazeta Shneta/