Në Spitalin Rajonal të Ferizajt mbrëmë ka vdekur një nënë shtatzënë bashkë me foshnjën e saj.
Bajram Syla, shefi i Repartit të Gjinekologjisë në këtë spital tha se shtatzëna kishte probleme me zemrën.
“Pacientja ka ardhë në spital me arrest kardiak që është ndalje e zemrës dhe është mundur me u reanimu në Emergjencën e Ferizajt, ndërkohë është thirrë gjinekologu kujdestar me konfirmu gjendjen e bebes“, tha ai për KALLXO.com.
Doktori Syla tregoi se ekipi mjekësor është munduar ta shpëtojë foshnjën, duke e futur gruan shtatzënë në operacion, por shpëtimi sipas tij ka qenë i pamundur për shkak të komplikimeve kardiake.
