Në Spitalin e Përgjithshëm “Dr. Sami Haxhibeqiri” është realizuar një ndërhyrje kirurgjikale për trajtimin e një tumori të rektumit tek një pacient 66-vjeçar.
Sipas njoftimit të spitalit, pacienti me inicialet F.F. u paraqit me simptoma klinike dhe pas ekzaminimeve laboratorike dhe imazherike u diagnostikua me adenokarcinomë të rektumit.
Pas vlerësimit të gjendjes së pacientit, ekipi mjekësor vendosi për realizimin e procedurës abdominoperineal resection (amputimi i rektumit sipas Miles), një ndër ndërhyrjet kirurgjikale që përdoret në trajtimin e tumoreve të pjesës së poshtme të zorrës së trashë.
Operacioni u realizua nga specialistët e kirurgjisë abdominale Dr. Erblin Ademi, Dr. Albert Miftari dhe Dr. Ilir Hajzeri, me anesteziolog Dr. Fatmir Ujkani. Në ndërhyrje asistuan teknikët Petrit Boja dhe Afije Istrefi, si dhe instrumentaret Vlora Shkreli-Ibrahimi dhe Gabimete Jashari.
Pas operacionit, pacienti është trajtuar në kujdesin post-operativ dhe më pas është liruar nga spitali në gjendje të stabilizuar shëndetësore.