Kur Keri Young zbuloi se bebja të cilën po e mbante në bark nuk ka tru, ajo morri një vendim jashtëzakonisht joegoist. Ajo vendosi që ta mbajë Evën deri në lindje, në mënyrë që t’i dhuronte organet e saj për bebet në nevojë.
Storja e Young tronditi të gjithë, kur burri i saj Royce Young, gazetar në ESPN, postoi një letër emocionale duke arsyetuar vendimin e saj të guximshëm.
“Do të ishte e papërgjegjshme të mos i shfrytëzojmë ‘dhuratat’ që ka Eva dhe të mos i ndajmë me të tjerët”, tha Royce për CNN, transmeton Gazeta Shneta.
Familja zbuloi që Eva nuk kishte tru në javën e 19 të shtatzënisë, përmes ultrazërit.
“Edhe pse disi i tërë trupi filloi të qajë”, Keri shikoi lartë dhe pyeti, “Nëse e mbajë fëmijën deri në fund, a mund t’i dhurojmë organet e saj?”, shkroi Royce në postimin e tij.
Arsyeja për dhurimin e organeve nuk ishte arsyeja e vetme që vendosën ta mbajnë deri në fund beben.
Çifti vërejti se Eva ishte e gjallë dhe sigurisht që ajo meriton t’i njoftonte prindërit e saj, shtoi Royce.
Ndërsa e ëma, Keri Young shtoi: “Eva do të jetoj edhe pse jeta e saj do të jetë e shkurtë. Ajo do të dhurojë gjithçka që mundet dhe do të bëj në tokë më shumë se që unë do të arrijë të bëjë ndonjëherë në jetë”.
Bebja pritet të lindë më 7 Maj.
“Vendimet nuk do të thotë se vetëm përfundojnë diçka. Ato nganjëherë mund të dhurojnë jetë”, tha Royce për CNN.
Letrën e plotë të Royce mund ta lexoni KËTU në gjuhën angleze. /Gazeta Shneta/