Nga kush e marrin mençurinë fëmijët, nëna apo babai? Ja ç’thotë shkenca

2018-06-05 në ora 14:22

Një studim i kohëve të fundit në fushën e gjenetikës ka vërtetuar se inteligjenca vjen nga kromozomi X femër, rrjedhimisht mençuria derivon nga nëna.

Deri kohët e fundit, ekspertët mendonin se të dy prindërit janë njësoj përgjegjës për inteligjencën e fëmijës së tyre.

Studimi po cilësohet si i diskutueshëm ashtu edhe i saktë në të njëjtën kohë. Shumë studime provuan se gjenetika nuk është një fushë e thjeshtë kërkimi. Rekomandohet që njerëzit t’i qasen këtyre gjetjeve nga një këndvështrim objektiv.

Kështu funksionojnë kromozomet X dhe Y:

Një kromozom është në të vërtetë një formë e ngjashme me fije që posedon proteina dhe acide nukleike. Ata transferojnë dhe ruajnë informacione gjenetike. Gjithkush ka 1 çift kromozomesh në çdo qelizë të vetme të trupit të tyre. Meshkujt mbajnë kromozomin 1 X dhe 1 Y, ndërsa femrat mbajnë 2 kromozome X.

Veç kësaj, veçoria gjenetike e gjeneve specifike gjinore është se ato ose janë çaktivizuar ose aktivizuar. Kjo varet nga përzgjedhja specifike, si dhe nga vetitë gjenetike. Përveç kësaj, gjenet e çaktivizuara nuk do të ndikojnë në zhvillimin gjenetik, ndërsa gjenet e aktivizuara do ta bëjnë këtë.

Kjo do të thotë që gjenet atërore do të çaktivizohen në rast se një karakteristikë është prekur përmes nënës. Kjo gjithashtu do të thotë se gjenet e nënës do të çaktivizohen në rast se një karakteristikë ndikohet nga babai. Në fakt, ekziston një shans më i madh për femrat që të kenë një ndikim në aftësinë njohëse, sepse ata kanë 2 kromozome X, ndërsa meshkujt mbajnë vetëm 1.

Për më tepër, inteligjenca konsiderohet të jetë një gjen përkatës gjinor që vjen nga nënat. Hulumtuesit në të vërtetë kanë përdorur minj që janë modifikuar gjenetikisht për të shqyrtuar këtë teori./Gazeta Express/