Të dhënat nga hulumtimi i bërë nga Klinika Universitare për Psikiatri që kanë bërë në Maqedoni tregojnë se një e treta e nënave vuajnë nga simptomat e depresionit gjatë shtatzënisë dhe pas lindjes, ndërsa 28 për qind e tyre përjetojnë ankth.
Ky hulumtim është bërë në periudhën pas pandemisë Covid-19, dhe është prezantuar nga Dr. Stefanija Mitrovska, gjatë manifestimit të organizuar me rastin e Ditës Botërore të Shëndetit Mendor – 10 Tetori. Ajo thotë se ngritja e vetëdijes së opinionit të gjerë dhe profesionistëve për këto vështirësi me të cilat ballafaqohen gratë gjatë shtatzënisë dhe pas lindjes, është me interes të veçantë për klinikën.
Ajo sqaron se kohën e fundmi më shumë flitet mbi këtë temë nga mediat, dhe nëpër rrjete sociale por përveç kësaj duhet t’ju shpjegohet nënave se si të vijnë deri në ndihmë. Në Maqedoninë e Veriut keni rreth 29,2% nga të rinjtë janë regjistruar në klinikë për simptoma të depresionit përderisa te 23,7% simptoma klinike të ankthit në periudhën pas pandemisë.
Ajo ju bën thirrje të gjithë prindërve të ri që dallojnë vështirosi në shëndetin mendor të kontaktojnë mjekun shtëpiak i cili mund të referoj në një specialist, gjithashtu bën thirrje te të gjithë mjekët që njohin shenjat e shëndetit mendor të dëmtuar dhe të pyesin gratë se si ndihen. Është e rëndësishme që ne të krijojmë mbështetje kolektive./Telegrafi/