Acidi folik, hekuri e kalciumi janë tre nga llojet përbërese të vitaminave prenatale. Këto të fundit po rekomandohen nga profesionistët shëndetësorë që përdorimi i tyre të startojë që nga momenti i planfikimit të një shtatzënie.
Benefitet e përdorimit të vitaminave prenatale janë të shumta, e të cilat ndikojnë në shëndetin tuaj dhe të zhvillimit të fetusit shkruan Healthline, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Sipas profesionistëve shëndetësorë përdorimi i vitaminave prenatale duhet të filloj para se të ngeleni shtatzënë.
Në rast se, shtatzënia është e paplanifikuar, mjeku juaj do t’ju sugjerojë marrjen e vitaminave sa më parë.
Kjo pasi gjatë shtatzënisë, fetusi juaj kërkon shumë nga ju.
Fetusi merr të gjitha lëndët ushqyese e të nevojshme që i nevojitet për zhvillimin e tij, dhe në këtë formë prezenca e vitaminave dhe mineraleve përgjatë 9-muajve të shtatzënisë është e domosdoshme.
Sipas American College of Obstetricians and Gynecologists (ACOG) këto janë ndër lëndët e rëndësishme që ju nevojiten:
-Acidi folik
Kjo vitaminë është përgjegjëse për krijimin e tubit nervor të fetusit apo strukurën që përfundimisht formon sistemin nervor qendror. Mungesa e tubit nervor mund të rezultojë që foshnja të lind me spina bifida ose anencefali.
-Hekuri
Hekuri furnizon fetusin me gjak dhe oksigjen, ndihmon në ndërtimin e placentës dhe jep vëllimin shtesë të gjakut që i nevojitet gjatë gjithë shtatzënisë.
-Kalcium
Kalciumi i ndihmon fetusit tuaj në ndërtimin e kockave./Gazeta Shneta/