Normalisht se brenga më e madhe për një nënë është fëmija i saj. Ato duan të ndihen te sigurta kur fëmija është i ushqyer, nuk ka të ftohtë, nuk ndjen shqetësim…
Por e njejta përkujdesje duhet të vlejë edhe për vetë nënat, pasi që fëmija i shëndoshë është vetëm atëherë kur edhe prindërit, e sidomos nëna gëzon një shëndet të mirë fizik dhe mendor, shkruan GazetaShneta.
Kjo çështje ka qenë tema e radhës e shtjelluar nga mamia kosovare Razije Musa e cila ka renditur disa fakte që përkrahin nënat që vendosin të ndajnë kohë personale vetëm për veten e tyre.
Musa ka treguar nga përvoja e saj se si sheh shumë nëna që e mbyllin në dry kohën me shoqërinë posa të bëhen nëna. Ajo thotë se kjo kohë mdeoemos do të përgjysmohet por nuk është e thënë të evitohet fare. Dy herë në javë parashihet të jetë kohë e mjaftueshme që nënat t’ia kalojnë mirë dhe njëkohësisht të çlodhen.
“në Kosovë shoh që shumica e grave pasi që bëhen nëna përfundojnë aktivitetet e tyre shoqërore, ato në shumicën e rasteve nuk dalin pa fëmijë dhe konsiderojnë se të dalurit me shoqe për çdo javë është një pjesë e bukur e së kaluarës”, ka thënë Musa.
Duke cituar një studim të kryer nga Universiteti i Oksfordit, Musa shpjegon se kur gratë takohen me mikeshat e tyre është sikur po i nënshtrohen një terapie falas, sepse biseda rreth përvojave jetësore, shqyrtimi i halleve, shakatë me njëra-tjetrën relaksojnë psikikën e njeriut; më pas nënat nihen më të qeta dhe më të afta për të prindëruar.
“Perveç shoqërisë është me rëndësi që edhe si çift të ndani pak kohë për të qenë vetëm, është totalisht në rregull që ju të kaloni edhe ndonjë vikend larg vendit dhe fëmijëve”, ka përfunduar ajo./GazetaShneta/