Në disa raste, mjekët mund të rekomandojnë nxitjen e lindjes për të parandaluar ndërlikime te nëna ose foshnja.
Metodat për ta nxitur lindjen përfshijnë hapjen e qafës së mitrës, çarjen e qeskës amniotike, ndarjen e membranave dhe përdorimin e hormoneve.
Zakonisht, një shtatzëni zgjat rreth 40 javë. Qëndrimi i sigurt i fetusit në mitër deri në afërsi të këtij afati ndihmon në zhvillimin e trurit, mushkërive dhe mëlçisë, shkruan burimi Medical News Today transmeton Gazeta Shneta.
Megjithatë, pas javës së 42-të, mund të shfaqen rreziqe të tjera, ndaj mjekët mund të rekomandojnë ndërhyrje.
Mjekët mund të nxisin lindjen nëse:
– ka rrezik për shëndetin e nënës apo foshnjës;
– ka infeksion në miter;
– rritja e fetusit është e ngadalësuar;
– lëngu amniotik është i ulët;
– nëna ka presion të lartë të gjakut, preeklampsi, diabet, sëmundje të veshkave, ose probleme me faktorin Rh.
Metodat përfshijnë:
– Vendosjen e kateterit me balonë ose laminaria për të hapur qafën e mitrës.
– Çarjen e qeskës amniotike (amniotomi).
– Përdorimin e prostaglandinave ose oksitocinës për të nxitur kontraktimet.
– “Shtyrja” e membranave për të liruar hormone që nxisin lindjen. /Gazeta Shneta/