Organizata Botërore e Shëndetësisë (OBSH), u bëri thirrje njerëzve të mos kenë frikë nga infektimi me koronavirusin e ri përmes ushqimit.
Virusi corona u gjet të martën në qytetin kinez Shenzhen gjatë një kontrolli rutinorë në mostrat e krahëve të pulave të ngrira të importuara nga Brazili, thanë autoritetet e qytetit.
Poashtu, autoritetet kineze thanë se ata menjëherë kontrolluan njerëzit që kishin qenë në kontakt me produktet e kontaminuara, plus të afërmit e tyre, dhe të gjitha provat u kthyen negative transmeton Gazeta Shneta.
Në provincën lindore Anhui të Kinës, kryetari i komunës Wuhu njoftoi të enjten se virusi ishte zbuluar poashtu dhe në paketimin e karkalecave të importuara nga Ekuadori, të cilat ishin mbajtur në një frigorifer.
Mirëpo, OBSH-ja ka reaguar ndaj këtyre deklaratave duke thënë se nuk kishte nevojë për panik – dhe nuk kishte atje shembuj të mjaftueshëm që tregojnë transmetimin e sëmundjes përmes ushqimit.
“Njerëzit tashmë janë të frikësuar dhe kanë mjaft frikë e shqetësim në pandeminë me COVID,” i tha drejtori i urgjencës së OBSH-së Michael Ryan një konference virtuale për shtyp në Gjenevë. /Gazeta Shneta/