Shumë gra shtatzëna, përjetojnë mungesa specifike të lëndëve ushqyese gjatë shtatëzanisë që kanë treguar të jenë shumë të rrezikshme si për foshnjën ashtu edhe për nënën nëse kalojnë pa u vërejtur nga mjekët.
Andaj një kujdes shumë i veçantë është i rezervuar gjatë kësaj periudhe kur ju duhet të mendoni përveç mirëqenies tuaj dhe për zhvillimin e fetusit në procesin nëntë mujor të shtatëzanisë, shkruan American Pregnancy Association përcjell Gazeta Shneta.
Vitaminat B9, është treguar për të mbështetur parandalimin e defekteve të tubit nervor dhe anemisë.
Ndërsa profesionistët mjekësorë rekomandojnë plotësimin me folate para, gjatë dhe pas shtatzënisë, ku është treguar se është veçanërisht thelbësore për zhvillimin e shëndetshëm të fetusit gjatë fazave të hershme të shtatzënisë.
Në anën tjetër, mungesa e qelizave të kuqe të gjakut apo qelizave të kuqe jofunksionale mund të çojë në uljen e rrjedhjes së oksigjenit në organe si tek nëna ashtu edhe tek foshnja.
Duke marr suplementin e hekurit në rutinën tuaj ditore, ju mund të shmangni aneminë duke ruajtur këto nivele të shëndetshme hekuri.
Gjatë shtatzënisë, trupi i një nëne në të vërtetë përdorë kalciumin nga kockat e veta për të mbështetur zhvillimin e vogëlushit të saj.
Kjo është arsyeja pse plotësimi i kalciumit është i domosdoshëm gjatë shtatëzanisë; përveç mbështetjes së zhvillimit të kockave të foshnjës, ndihmon gjithashtu në parandalimin e humbjes së kockave tek nëna.
Për të mësuar më shumë rreth komplikimeve të shtatzënisë KLIKO KËTU.
Mes tjerash, dallojmë vitaminën D që ndikon në presionin e gjakut, funksionin e trurit, imunitetin dhe gjendjen shpirtërore të një gruaje shtatzënë, prandaj është e rëndësishme që gratë të marrin sasinë e duhur.
Për më tepër, mungesat e vitaminës D janë treguar të çojnë në rritje jonormale të kockave dhe fraktura tek të porsalindurit, si dhe komplikime gjatë lindjes.
Ajo se çfarë vlen të ceket po ashtu është se brenda tremujorit të parë të shtatzënisë, tiroidea e foshnjës bëhet aktive dhe burimi i vetëm i hormonit tiroide tek foshnja është forma direkt e marrur nga nëna.
Hormonet e tiroides kërkohen për funksionin e shëndetshëm të trurit, prandaj është thelbësore që nënat të marrin një shtesë me jod.
Mangësitë e jodit janë lidhur me parregullsitë në zhvillimin e trurit dhe ndërlikimet gjatë lindjes. /Gazeta Shneta/