Barnat që mund të dëmtojnë një fetus në zhvillim, zakonisht e bëjnë këtë në javët e para të shtatzënisë – shpesh përpara se të kuptoni se jeni shtatzënë.
Rishikoni barnat që po merrni aktualisht me ofruesin tuaj të kujdesit shëndetësor, kur planifikoni një shtatzëni, gjegjësisht para se të mbeteni shtatzënë, shkruan Preganancy Info përcjell Gazeta Shneta.
Profesionistët shëndetësor, mund të këshillojnë rreth një doze të arsyjshme ose teste shtesë për të monitoruar efektin e barit gjatë gjithë shtatzënisë. Ose, mund t’ju këshillohet të ndaloni fare marrjen e barit në disa raste specifike.
Po barnat natyrale apo bimore?
Shumë njerëz supozojnë se produktet natyrale ose bimore janë më të sigurta sesa barnat me recetë ose pa recetë.
Megjithatë, shumica e produkteve natyrale nuk janë testuar për sigurinë ose efektivitetin. Dhe shumë pak janë testuar për siguri gjatë shtatzënisë. Sigurohuni që të diskutoni ndonjë bari natyral ose bimor me ofruesin tuaj të kujdesit shëndetësor përpara se t’i merrni ato.
Për të mësuar më shumë rreth komplikimeve të shtatzënisë KLIKO KËTU.
A mund të marr diçka për të përziera dhe të vjella?
Mos merrni barna pa recetë ose ato me përmbajtje bimore për të përziera dhe të vjella, pa i diskutuar më parë këto me ofruesin tuaj të kujdesit shëndetësor.
Po kafeina dhe duhani?
Sasi të moderuara të kafeinës – një deri në dy filxhanë në ditë – janë të sigurta për konsum gjatë shtatzënisë.
Ndërsa, pirja e duhanit nga secili partner zvogëlon fertilitetin.
Poashtu, pirja e cigareve gjatë shtatzënisë e ekspozon foshnjën ndaj shumë kimikateve toksike dhe është një nga shkaqet më të parandalueshme të rezultateve të dobëta të shtatzënisë (p.sh. pesha e ulët e lindjes, lindja e vdekur e foshnjës, lindja e parakohshme).
Duke qenë se pirja e duhanit shkakton efekte të rëndësishme negative në fetus, është më mirë që ta lini para se të mbeteni shtatzënë. /Gazeta Shneta/