Aroma e bebes është një prej aromave më të mrekullueshme në botë, aq sa ajo ka frymëzuar edhe firmën e parfumeve “Demeter” të prodhojë parfumin dhe produktet kozmetike të linjës “Baby fresh” të cilat i ngjasin pikërisht kësaj arome.
Por çfarë e shkakton këtë aromë kaq të mrekullueshme tek bebet?
Një teori në lidhje me këtë dilemë i referohet substancave të prodhurara nga gjendrat e djersës së bebes, dhe këtë e pohon George Preti, analist kimik në “Monell Chemical Center” në Philadelphia. Duke qënë se kjo aromë zgjat vetëm disa javë, mendohet se influencohet nga metabolizmi i bebes, i cili ndryshon në momentin që fëmija fillon të pijë dhe të hajë gjëra të ndryshme, por edhe për shkak se ai nuk është më i lidhur me kordon me nënën e tij.
Vernix caseosa
Kjo është një shtresë që vesh lëkurën e fëmijës gjatë kalimit në kanalin e lindjes dhe ka ngjyrë të bardhë. Edhe pse ndonjëherë kjo shtresë lahet menjëherë, lëshon në trupin e fëmijës një aromë që zgjat. Pra kjo mendohet se është një tjetër arsye pse bebet kanë një aromë aq të mrekullueshme. Vetëm një gjë është e sigurt, aroma e fëmijës është e parezistueshme!/Pernenat.al/