Kosi, si një nga produktet e qumështit, njihet për vetitë ushqyese që ka dhe përfitimet që mund të merr fëmija gjatë periudhës së zhvillimit. Më poshtë do i ndiqni të gjitha këto përfitime.
Kosi është i pasur me kalcium
Edhe qumështi është i pasur me kalcium, por marrja e këtij elementi nga një shumëllojshmëri ushqimesh i bën shumë mirë fëmijës suaj. Në një filxhan kos, gjenden rreth 400 miligramë kalcium, kështu që mund ta kuptoni vetë rëndësinë e kosit për mbrojtjen e kockave të fëmijës.
Mund të konsumohet në disa lloj mënyrash
Kosin mund t’ja jepni fëmijës suaj vetëm, të shoqëruar me fruta të stinës, me fruta të thata etj.
Ka probiotikë
Kosi përmban organizma të gjallë të quajtur probiotikë, që balancojnë florën gastrointestinale duke përmirësuar sistemin tretës dhe parandalon diarrenë e kapsllëkun.
Ka shumë proteina
Kosi ka sasi të lartë proteinash, që do të thotë se fëmija mund të marrë vlerat e duhura ushqyese edhe pa ngrënë shumë mish.
Ndihmon në ruajtjen e peshës
Kosi jep ndjesinë e ngopjes dhe ul ndjesinë e urisë. Kështu, sa më të ngopur të jeni, aq më pak do të hani. Kjo duhet marrë në konsideratë, duke pasur parasysh se rreziku për fëmijë obezë është në rritje.