Edhe pse placenta kontrollohet gjatë ekografisë 20-javëshe, më pas i kushtohet pak vëmendje.
Por studiuesja Pascalle Wijntjes nga Karolinska Institutet beson se placenta mund të zbulojë shumë për shëndetin e nënës dhe foshnjës.
Ajo kaloi katër vite duke e studiuar këtë organ përmes modeleve matematikore, për të parashikuar komplikime si preeklampsia, shkruan MedicalXpress transmeton Gazeta Shneta.
Duke analizuar placenta të dhuruara pas lindjes dhe duke përdorur teknologji të avancuar me ultratinguj dhe mikroflluska, Wijntjes krijoi një model 3D të rrjetit të enëve të gjakut në placentë.
Ky model tregon se si qarkullon gjaku dhe çfarë ndodh në rast të problemeve, siç është ngushtimi i enëve të gjakut.
Qëllimi i saj është krijimi i një modeli hibrid, që kombinon të dhënat mjekësore me llogaritjet matematikore, për të identifikuar më herët rreziqet në shtatzëni.
“Placenta është një bashkëpunim i jashtëzakonshëm mes nënës dhe fëmijës,” thotë ajo. “Dhe ne ende dimë shumë pak për të.”/Gazeta Shneta/